1 Samuel 11:2 - Kashibo-Kakataibo Biblia

² Ësokin kakëxun ka Nahas amonita an kakëxa: —Mitsubëtan kana achúshi ñu mëníoti ꞌain, ꞌaínbi kamina ꞌën suntárukaman mitsu achúshi achúshinën bëru mëkeu ꞌikë ëchipanun ꞌamiti aín, usakin ꞌaxun kananuna Israel unikama tëmëramiti ꞌain.

1 Samuel 11:2 ပူးပေါင်းရင်းမြစ်များ

Génesis 34:14

ësokin kakëxa: —Nun kananuna nun chirabakë aín nëtokë ñu aín maxaka a tëakëma uni ꞌinanima ax ka achúshi rabin nunan ꞌikën.

2 Reyes 18:31

kakëxunbi kamina aín bana kuakantima ꞌain. Asirianu ꞌikë ꞌapun ka ësokin mitsu kanun ꞌë xuaxa abë nuibanani mëníonantankëx atubë ꞌikin ismina, aín uvas ꞌapákë ꞌanan higuera akama pianan atun xëatia me naëxun ꞌamikë ꞌumpax aribi xëakanti ꞌai ka kiaxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Jueces 16:21

Usai ꞌia kushiñuma ꞌaish sinánkasmaia ka filisteo unikaman ñatanxun aín bëru rabë́ ëchiakëxa, ëchíxun ka Gaza kakë ëma anu buánxun manë risi uxua ꞌakë anun tëkërë kaxun anun ñu rënti ꞌakë anua ñu rëni sipunuax tënun ëankëxa.

1 Samuel 11:10

Nahas ësokin kakankëxa: —Imë́ishi kananuna nukamax minu ꞌinámëti ꞌain, usa aín kamina min uisakin karamina nu ꞌaisatani usakin nukama ꞌati ꞌain.

1 Samuel 12:12

ꞌAínbi kamina Nahas amonitakaman ꞌapu axa mitsu ꞌanux kuankëbëtan atumi rakuë́kin achúshi ꞌapu an mitsu ꞌakinti anëxunun kiax kikankën Diosmi katamëti sinanima.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?