1 Samuel 10:7 - Kashibo-Kakataibo Biblia

⁷ Uínsaran kara Diosan ꞌimikëx minu usai ñu ꞌia anun kamina Diosanbi mi ꞌakinkëxun sinánti ꞌain.

1 Samuel 10:7 ပူးပေါင်းရင်းမြစ်များ

Génesis 21:20

Usakian Nukën ꞌIbu Diosan ꞌakinkëx ka Ismael anu uni ꞌikëma menuax kani Parán kakë anu ꞌiakëxa, usai kanikin ka uisokin kara kanti ꞌimainun pian ñuoti ꞌikë kixun upíokin ꞌunánkëxa. Usai kania ka aín titan achúshi xanu Egipto menua bëxun aín xanu ꞌiti ꞌinánkëxa.

2 Samuel 7:3

Kakëxun ka Natánën kakëxa: —Uisakin ꞌakatsi kixun kaina sinani usakin kamina ꞌati ꞌain, ꞌaia ka Diosan mi ꞌakinti ꞌikën.

Job 31:25

Uinsaranbi kana kuríkiñu ꞌianan ꞌaisamaira ñuñu ꞌaishi, anun rabiakati usa kana ꞌëx ꞌai kiama ꞌain.

Éxodo 4:8

Usokin ꞌimitankëxun ka Nukën ꞌIbun kakëxa: —A painmi ꞌakë ënë iskinbi asérabi ka kixun sinánkima ka bëtsi ñumi ꞌatëkënkëbëtaira a iskin asérabi ka kixun sinánti ꞌikën;

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 2:12

Ënë isquin camina ꞌën mitsu cacë bana ax ca asérabi ꞌicë quixun ꞌunánti ꞌain, cuanxun camina a Tuá chupan rabúnxuan anuxun ñuina pimitinu racáncë isti ꞌain.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Jueces 6:12

ꞌAkëbë ami mërakin ka Nukën ꞌIbun ángelnën kakëxa: ¡Nukën ꞌIbu ka mibë ꞌikën, usa ꞌain kamina uni rakuëma ꞌianan kushi sinánñu ꞌiti ꞌain!

1 Samuel 2:34

Usai ꞌimainun ka min bakë bëchikë rabë́, Hofní ꞌimainun Finees minmi ꞌë kakësabi oi ka ꞌia kixun mi isnun a nëtënbi a rabëtaxbi ñuti ꞌikën.

1 Samuel 20:13

ꞌaínbi kana ꞌën papan mi ꞌatima oti sinántëkënkëbëtan ꞌën mi abátanun kanan upitaxmi kuantanun ꞌakiniama Nukën ꞌIbun uisakin kara ꞌaisa tania, usakin ꞌë ꞌatima oti ꞌikën. ¡Usa ꞌain ka Nukën ꞌIbun mi ꞌakinti ꞌikën ꞌën papa ꞌakiansaribi okin!

1 Samuel 3:19

Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.