1 Samuel 10:26 - Kashibo-Kakataibo Biblia

²⁶ Atux kuantamainun ka Saúlnëxribi aín xubunu kuani, Guibeá ëmanu kuankëxa, kuankëbëtan ka Diosan Israel uni aín sinan kushibu raíri abë kuankian uantanun kixun sinánmiakëxa.

1 Samuel 10:26 ပူးပေါင်းရင်းမြစ်များ

Esdras 1:5

Usa ꞌain ka Judá ꞌimainun Benjamínën rëbúnkinën unikaman kushibu akama ꞌimainun sacerdotekama ꞌianan, levita unikama Diosanbia sinánmikëxua ꞌapun bana ñuikë kuati Jerusalénnua ꞌikë anuxun Nukën ꞌIbu rabiti xubu birukin ꞌatëkëni kuanux kuëëni mëníokakankëxa.

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Hechos 13:48

Usoquian caia cuati ca judíosma uni raírinëx cuëëni, —Nucën Papa Diosan bana ënëx ca asábi ꞌicë —quiacëxa. Usa ꞌaish ca uicamax cara Nucën Papa Diosnan ꞌaish xënibua ꞌaínbi abë ꞌiti ꞌicë acamax Jesucristomi catamëacëxa.

Hechos 7:10

Marucëxuan unin buáncëxa Egiptonu ꞌiabi ca Nucën Papa Diosan abë ꞌixun ꞌaquinquin bërúancëxa. Usoquian ꞌacë́xa upí sinánñu ꞌixun upí oquin bana cuacë ꞌicë nuibaquin ca Egiptonu ꞌicë ꞌapu Faraón, an anu ꞌicë unicaman cushi ꞌimianan an aín xubunu ꞌicë ñucama bërúantiribi ꞌimiacëxa.

1 Samuel 11:4

Usokin akama katankëxua xukëx kuanx ka bana chaniotia xukë unikama ax Guilbeá, anua Saúl ꞌikë anu bëbakëxa, bëbaxun ka anu ꞌikë unikama bana ñuixuankëxa. Usokin a bana ñuixunkëx ka anu ꞌikë unikama ꞌaisamairai nishkankëxa.

1 Samuel 13:2

tres mil suntáru Israel kaisakëxa. Kaístankëxun ka dos mil suntáru Micmás kakë Betel nu ꞌikë aín bashi anu abë bërúmainun, mil suntáru Jonatán Guibeá kakë Benjamínën rëbúnkinën me ꞌikë anu bërúakëxa. Bërumainun ka suntáru raíri aín xubunu kuantanun Saúlnën xuakëxa.

1 Samuel 15:34

Usokin ꞌatankëx ka Samuel Ramá kakë ëmanu kuankëxa. Kuantamainun ka Saúl axribi anua ꞌikë aín xubu Guilgal kakë ëma anu kuankëxa.