1 Samuel 10:25 - Kashibo-Kakataibo Biblia

²⁵ Usakin kakëxun ka Samuelnën anuxun ax kikësaibi ꞌiti Nukën ꞌIbun banakama a unikama ñuixuankëxa, ꞌimainun ka usakin ñuixuntankëxun achúshi kirikanu kuënëoxun anuxun Israel kaman Dios rabikë a mëu mëníokin nankëxa. Usakin ꞌaxuan Samuelnën anuaxa ukë anu kuantanun kakëx ka Israel kama anua ꞌikë ꞌain xubunubi rikiankëxa.

1 Samuel 10:25 ပူးပေါင်းရင်းမြစ်များ

Deuteronomio 31:26

ꞌËn kuënëokë a tanti bana ënë kamina mitsu ꞌinámainun bunántisa okin ꞌakë kurin ratakakakë rapasu anua Diosan achúshi ñu ꞌakë kikë anu nankanti ꞌain, anu nankë ax ka mitsun usai kananuna ꞌiakën kixun anua ꞌunánti ꞌiti ꞌikën.

1 Timoteo 2:2

Usonan ca camabi nëtënu ꞌicë ꞌapucama ꞌimainun ꞌapun anëcë unicamaribi Nucën Papa Dios ñucáxunti ꞌicën, nuxnu upí sinánñu ꞌianan ubíonananima chuámashirua ꞌaish ax cuëëncësabi oi ꞌi bucunun.

Tito 3:1

Axa Jesucristomi catamëcë unicama camina manuaxma ꞌinun ësaquinribi cati ꞌain: Aín ꞌapucama ꞌimainun aín cushicaman bana cuaquin ca atun cacësabi oquin ꞌati ꞌicën. Uisa ñu cara upí ꞌicë a ca chiquíshquinma ꞌati ꞌicën.

1 Samuel 11:14

Kakëbëtan ka Samuelnën kamabi unikama kakëxa: —Guilgalnu kananuna Saúl ꞌitabatia ꞌapu ꞌinun atsinmi kuanti aín.

1 Samuel 8:9

Usa ꞌain kamina, añu ꞌaxúnun kara mi kaia a ꞌaxúnti ꞌain; ꞌaínbi kamina ësokin pain atu kati ꞌain, axa atun ꞌapu ꞌiti uni an kara uisokin atu ꞌanuxun ꞌaia kixun ñukáti ꞌain.”