1 Samuel 10:24 - Kashibo-Kakataibo Biblia

²⁴ Usa ꞌikëa iskaniabi ka Samuelnën atu ñukákin kamabi kakëxa: —¿Nukën ꞌIbun mitsun ꞌapu ꞌinun kaískë uni a kaina iskanin? ¡Ënë unisaribi israel uni achúshi ka ꞌaíma ꞌikën! ¡Axëshi ka nun ꞌapu ꞌiti ꞌikën! Kixun ka israel unibunën kakëxa.

1 Samuel 10:24 ပူးပေါင်းရင်းမြစ်များ

2 Samuel 16:16

Atsínkëbë ka arquita uni Husai Davidtan ꞌunánkë ax munuma banakiani Absalón abë mëranani kushin banai kiakëxa: —¡Nukamax kananuna ꞌaxa nun ꞌapu ꞌiti kuëënin ax ka ꞌapu ꞌiti ꞌikën!

1 Reyes 1:21

Usa ꞌaínbi ka, mixmi ꞌën bëchikë Salomónnëx ka ꞌapu ꞌiti ꞌikë kiaxmabi, ñukëbëtan ka Adoníasnën ꞌë këñunbi ꞌën tuá Salomón ꞌamiti ꞌikën.

1 Reyes 1:25

An ka bërí kuanxun ꞌain unikama vaca bënë ꞌimainun vaca bakë bërí kanikë këñun ovejakama ꞌaisamaira rënun ꞌamiaxa, ꞌamixun ka min bëchikë bëbukama kamianan, suntárunën ꞌapu aín kushi capitán akama ꞌimainun sacerdote Abiatar aribi kamiaxa. Usa ꞌain ka bërí atux abëtan pianan xëai munuma sharati kikania: ¡Adonías ax ka bërí nun ꞌapu ꞌikë kiax ka kuëëni kikania!

1 Reyes 1:34

usa ꞌain kamina min sacerdote Sadoc ꞌimainun an Dios kikë bana uni ñuixunkë Natán abëtan aín maxkánu xëni tutukakin axa Israelkaman ꞌapu ꞌinun anëti ꞌain, usakin ꞌaxun kamina raíri unikaman carnero manchan banomainun ka raírinëxribi munuma kuënkëni sharati kikanti ꞌikën: ¡Salomón mix kamina ꞌitsa baritia ꞌimi nun ꞌapu ꞌiti ꞌain ësaiki ka munuma sharati kikanti ꞌikën!

1 Reyes 1:39

Anuxun ka Sacerdote Sadoc an xubusa okin chupa ꞌakë anua nankë ñuina mancha anua xëni ꞌarukë ꞌikë a bibiankin buánkë ꞌiakëxa, anuxun ka ꞌain maxkánu xëni tutukakin axa ꞌapu ꞌinun Salomón anëakëxa. Anëtankëxun ka bëtsi unin carnero mancha banonun ꞌamiakëxa, ꞌamikëxuan banokëbë ka kamabi unikama munuma sharati kikankëxa: “¡Salomón ka nun ꞌapu bërí ꞌikën!”

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

1 Samuel 11:15

Usa ꞌain ka kamabi uni Gilganu kuankëxa, anuxun ka Nukën ꞌIbun ismainunbi ax ka ꞌapu ꞌia kixun timë́kamë ꞌëoxun Saúl anëakëxa. Usakin anëtankëxun ka nuibanankin ñuina rëxun xaronan pi ꞌitsaira israel unikama Saúlbëbi kuëënkankëxa.

1 Samuel 12:1

Usa ꞌain ka Samuel kamabi israel unikama timë́kë a kai kiakëxa: —Mitsun kamina isin añu ꞌaxúnun kaina ꞌë kai a kana mitsu ꞌaxuan, ꞌianan kana achúshi ꞌapu anëxunun kia mitsu anëxuan.

1 Samuel 12:13

Ënu ka bërí mitsun kaiskankë ꞌapu a ꞌikën; Nukën ꞌIbu Diosan ka mitsun mi kuëënkë ꞌapu a mikama ꞌinánxa.

1 Samuel 9:2

ax ka aín bakë bëchikë achúshi bëná uni a iskësabi ꞌikëa Saúl kakin anëkë ꞌiakëxa. Usa ꞌain ka uinu ꞌikë israel uni achúshibi a iskësaribi ꞌianan, ꞌain chaxkë́bëtan sënën ꞌaíma ꞌiakëxa.