1 Samuel 10:23 - Kashibo-Kakataibo Biblia

²³ Usakin kakëx ka raíri unix abákiani anua unë́kë anua Saúl bitsi kuanëakëxa. Kuaxun bitsínkin bëkëxa atu nëbëtsi nirakëtia iskëxbi ka Israel kaman a tupuma ꞌixun atu rapëskakë ꞌikë iskankëxa.

1 Samuel 10:23 ပူးပေါင်းရင်းမြစ်များ

Génesis 3:24

Usakin uni chikíntankëxun ka Nukën ꞌIbu Diosan naësa amiaxa bari urukë au ain ángel raíri Edénu ꞌikë bainu nitsíankëxa. Ax ka ángel suntárusa ꞌiakëxa. An ka manë xëtokë tsi rëkirukësa ꞌixuan kuainakë bëkinkin anun bamatima i bimi anua uíxbi kuantirabanan bai bëarati anu nankëxa.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”

1 Samuel 17:4

Anua filisteo suntárukama timë́kë anu ka achúshi uni ꞌakánanti ꞌunáira ꞌiakëxa, ax ka achúshi ꞌimainun rabë́ metro chaxkë́sa ꞌiakëxa. Aín anëx Goliat kakë ꞌiakëxa usa ꞌaish ka Gat kakë ëmanu tsókë uni ꞌiakëxa.

1 Samuel 9:1

Anua Benjamín kakë uni aín rëbúnki tsókë anu ka achúshi uni Quis kakin anëkë ꞌiakëxa, ax ka Abiel kakë uni ꞌain bakë bëchikë ꞌianan Seror kakë aín xutaribi ꞌimainun; ka aín xuta itsi Becorat ax Afíah aín bëchikë ꞌiakëxa. Quis ax ka unin uisakinbi kakëma uni ꞌiakëxa,

1 Samuel 9:2

ax ka aín bakë bëchikë achúshi bëná uni a iskësabi ꞌikëa Saúl kakin anëkë ꞌiakëxa. Usa ꞌain ka uinu ꞌikë israel uni achúshibi a iskësaribi ꞌianan, ꞌain chaxkë́bëtan sënën ꞌaíma ꞌiakëxa.