1 Samuel 10:19 - Kashibo-Kakataibo Biblia

¹⁹ ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 10:19 ပူးပေါင်းရင်းမြစ်များ

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Josué 24:1

Josuénën ka kamabi ñaká Israel unibu Siquem kakë ëma anu timë́nun kixun kamiakëxa. Kamikin ka uni apankama ꞌapu an bana mëníokë akama ꞌimainun, suntárunën kushikama anuxun Nukën ꞌIbu rabiti xubusa okin chupa ꞌakë ꞌurama anu timë́nun kamiakëxa,

Jueces 8:23

Kixuan kakëxunbi ka Gedeónën atu kakëxa: —ꞌË ꞌimainun ꞌën bëchikënëxbi ka mitsun ꞌapu ꞌitima ꞌikën, Nukën ꞌIbux kuni ka mitsun ꞌapu ꞌiti ꞌikën.

1 Samuel 10:20

Usakin katankëxun ka Samuelnën kamabi uni ñaká achúshi achúshi a ꞌurama rikuatsinun kakëxa. Usakin kakëxa rikuatsini timëkë ꞌain ka ñura rabë́ kuënëoxun anun tankëxi ka Benjamínën rëbúnkinën ñakámi oi nipakëakëxa.

1 Samuel 12:12

ꞌAínbi kamina Nahas amonitakaman ꞌapu axa mitsu ꞌanux kuankëbëtan atumi rakuë́kin achúshi ꞌapu an mitsu ꞌakinti anëxunun kiax kikankën Diosmi katamëti sinanima.

1 Samuel 14:23

ꞌAkëxa kuania ꞌakanankinkin ka Bet-avén, anubi bëbarukin ꞌakëxa, ësakian ꞌanun ꞌamikin ka a nëtëkaman Nukën ꞌIbun, Israelkama atuxia upiti tsónun ꞌimikin ië́miakëxa.

1 Samuel 14:38

Usa ꞌain ka Saúl ësakin aín suntárukama kai kiakëxa: —Ënu kamina kamabi suntáru ꞌapukamax uti ꞌain, uxun kamina uix kara bërí ꞌuchaxa isti ꞌain kixun kakëxa.

1 Samuel 3:21

ꞌImainun ka Nukën ꞌIbun amiribishi abë banakin Siló, kakë ëmanu anuxun Dios rabiti xubu ꞌikë anuxun katëkëankëxa. Anuxun ka aín bana ꞌunánkin Samuel ꞌunánmiakëxa.

1 Samuel 4:1

Usakia kakëxun ka Samuelnën kamabi Israelkama bana ñuixuankëxa. Achúshi nëtën ka filisteo suntárukamax Israel kamabë ꞌakánanti sinanx timë́kankëxa, usaía ꞌikëbë ka israel suntárukamaxribi atubë ꞌakananux mëníokakëxa, mëníokakiani rikianx ka Eben-ézer kakë anu bëbax anu ꞌikankëxa. ꞌImainun ka filisteo suntárukamaxribi ëma Afec kakë me sapan ꞌikë anu timë́akëxa,

1 Samuel 8:19

ꞌAínbi ka Israel kaman Samuel an kakëxun kuakinma ësakin kakëxa: —Usama ka. Nuxribi kananuna nun ꞌapuñu ꞌiti kuëënin kixun kakëxa,

1 Samuel 8:5

anu rikianxun ka ësakin kakëxa: “Mix kamina kaniakëkë uni xënira ꞌain, usa ꞌaínbi ka min bakë bëchikëkaman min ꞌakësabikin ñu ꞌaima; usa ꞌain kamina achúshi ꞌapu axa nukaman ꞌapu ꞌiti nu anëxunti ꞌain, bëtsi menu tsókë unikaman ꞌakësaribi okin.”