1 Samuel 10:16 - Kashibo-Kakataibo Biblia

¹⁶ Kixun kakëxun ka Saúlnën aín kuku kakëxa: —Nun kuamainubi ka ësokin nu kaxa burro aín xanu akama ka mërakanxa kixun ka nu kaxa. ꞌAínbi ka Saúlnën abë banakian Samuelnën Diosan Bëru ñunshin upitan ka mi ꞌapu ꞌimiti ꞌikë kakë ashi ñuixuanma ꞌikën.

1 Samuel 10:16 ပူးပေါင်းရင်းမြစ်များ

Éxodo 4:18

Usa ꞌain ka Moisés aín kuku Jetró ꞌikëbi Reuel kakinribi anëkë aín xubunu kuantëkëankëxa, kuanxun ka aín kuku kakëxa: —ꞌË karamina Egipto menu kuantëkëntanun xutima ꞌain. ꞌËn aintsi ꞌibukama kara anu tsótaxa kana isi kuainsatanin. —Usakian kakëxun ka aín kuku Jetrónën asábi ka usa ꞌain kamina bërúanx kuantankëxun isi kuanti ꞌai —kixun kakëxa.

Eclesiastés 3:7

Anu ka anun ñu tukapati nëtë ꞌikën, ꞌimainun ka anun këxëti nëtëribi anu ꞌikën. Anu ka anun banaima tsóti nëtë ꞌikën, ꞌimainun ka anun banati nëtëribi anu ꞌikën.

Jueces 14:6

ꞌAiabi ka Nukën ꞌIbun aín bëru ñunshinan Sansón kushiira ꞌinun ꞌimiakëxa, ꞌimikëxun ka anun ꞌati ñu tuinkë ꞌixunmabi aín kushínbi achúshi cabranën tuára ꞌakësokinshi an pikatsikiax ukë ꞌinuan tëtsëkakin bikëxa bamaia tukapakëxa. Usakin ꞌaxunbi ka aín papa usakian ꞌakë a ñuixuanma ꞌikën.

Jueces 14:9

Anua ka mëkënan aín kuëxu tukapakin aín rëpa biakëxa. Bixun buna rëpa xëabiani kuankinbi ka aín papa abë mëranankin paná an ribia xëanun ꞌinánkëxa ꞌinánkëxuan. Aiabi ka paru ꞌinúan bamakë aín naminua kana bitsia kixun ñuixuama ꞌikën.

1 Samuel 10:15

Ësakian kakëxun ka aín kukun an ñu mëëmikë uni ꞌimainun Saúl kakëxa: —¿Uisakin kara Samuelnën mi kax? Akamina ꞌë bërí ñuixunti ꞌain.

1 Samuel 9:20

Min burro xanukama axa nëtë́kë ka rabë́ ꞌimainun achúshi nëtë ꞌikën, usa ꞌaínbi kamina ami ꞌitsaira sinántima ꞌain, akama ka bëtsi unin mëraxa. Kamabi Israel kamax ka min xubunu mibë ꞌikë min aintsi achúshinëx ꞌapu ꞌiti kuëënia.

1 Samuel 9:27

kuankëbë abë ëmanuax chikíkiani kuankin ka Samuelnën Saúl kakëxa: —Min ñu mëëmikë uni a kamina axpain rëkuë́nkianun xuti ꞌain, ꞌë pain kamina kaínti ꞌain, ꞌën kana Diosan usakin mi kanun ꞌë kakë bana mi kaisatanin.