Ësai banatankëx sënë́an ka kamabi aín kushikama anu rikianxun Jeremías ñukáti kuankëxa, kuanxun ka ñukákankëxa, ñukákëxun ka uisakin kara ꞌapun kaxa usakinbi a banakama kakëxa. Usa ꞌain ka uínbia ꞌapubë banaia kuakëma ꞌikë uisabi okima ënkankëxa.
Usaia bëbakë ꞌikë ka ain kukun an ñu mëëxunkë uni akëñunbi ñukákin kakëxa: —¿Uinu kaina kuankan? Kakëxun ka Saúlnën kakëxa: —Burro aín xanukama nëtë́kë bari kananuna kuan. ꞌAínbi kananuna mërákëbëma, Samuel isanan abë banakuatsini ain.
Kixun kakëxun ka Saúlnën aín kuku kakëxa: —Nun kuamainubi ka ësokin nu kaxa burro aín xanu akama ka mërakanxa kixun ka nu kaxa. ꞌAínbi ka Saúlnën abë banakian Samuelnën Diosan Bëru ñunshin upitan ka mi ꞌapu ꞌimiti ꞌikë kakë ashi ñuixuanma ꞌikën.