1 Samuel 10:12 - Kashibo-Kakataibo Biblia

¹² ꞌAínbi ka atubë ꞌikë Israelkama achúshinëx ësai kiakëxa: “¿ꞌImainun kara uix ꞌain papa ꞌik?” An ka ꞌunánxa anun uni banakë bana kikësabi oi ꞌia. “¿Usa ꞌain kara Saúlribi an uni bana ñuixunkë unikama achúshi ꞌik?”

1 Samuel 10:12 ပူးပေါင်းရင်းမြစ်များ

Isaías 54:13

ꞌËn kana min bakë bëchikëkama ñu ꞌunánmiti ꞌain, usokëx ka akamax upiti tsóti bukuti ꞌikën.

Juan 6:45

An Nucën Papa Dios quicë bana uni ñuixuncë unicama achúshinën ca ësaquin cuënëocëxa: “Nucën Papa Diosan ca camabi uni ꞌunánmiti ꞌicën”. A unían cuënëosabi oi ca ui unicaman cara Nucën Papa Diosan sinánmicëxun ꞌunania, acamax ca ꞌëmi catamëtia.

Juan 7:16

Quia ca Jesusan cacëxa: —ꞌËn uni ñuixuncë bana ënëx ca ꞌënbi sináncëma ꞌicën. An ꞌë xuá, an ꞌë sinánmicë ca ënëx ꞌicën.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Samuel 10:13

Usakin bana ñuixunkin sënë́onbiani kuanx ka Saúl anua ꞌikë aín xubunu bëbakëxa.

1 Samuel 19:23

usakin kakëx ka Saúl anu kuankëxa. Kuantankëxa bëbaiabi ka aribi Diosan bëru ñunshinan an ribia bana ñuikë uni ꞌinun ꞌimiakëxa, ꞌimikëx ka Saúl axribi kuëëni ransakiani bain kuanx Ramá kakë ëma ꞌurama ꞌikë Naiot ëma chukúma anu bëbakëxa;

1 Samuel 19:24

usai ꞌika uinu kara Samuel ꞌikë anu nukuxun aín chupa pëtankëxun a nëtënbi pëuxun ꞌabaikin a imë́ribi Diosan bana ñuiakëxa. Anuax ka ësai kiakëxa. “¿Saúl axribi kara an Dios kikë bana uni ñuixunkëkama achúshi ꞌik?”