1 Samuel 1:6 - Kashibo-Kakataibo Biblia

⁶ Usokin ꞌakëbë ka Peniná ami ꞌitsaira nishakëxa, nishi ka a istisama tani Nukën ꞌIbun a tuánun ꞌimikëbëma ami kuaiakëxa.

1 Samuel 1:6 ပူးပေါင်းရင်းမြစ်များ

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

2 Samuel 6:23

Usa ꞌain ka Mical ax Diosan usai ꞌiti ꞌimikëx, aín ñuti nëtë ꞌitámainun tuakëma xanu ꞌiakëxa.

1 Samuel 1:7

Kamabi baritia anuxun Nukën ꞌIbu rabiti xubunu kuankëtibi ka Peniná ami nishakëxa; usaía ami nishkëxun ꞌunankin ka Anan masá nuituti inkin piisama tankëxa.

1 Samuel 2:1

Ësai ki ka Ana Diosbë banakëxa: Nukën ꞌIbu ꞌëx kana ꞌën nuitunënbi mi sinani kuëënin, min kamina amiribishi kushiñu ꞌinun ꞌë ꞌimian. Usa ꞌaish kana axa ꞌëmi nishkë unikama ñui banati ꞌain, min kamina ꞌë ꞌakian. ¡Usa ꞌain kana bërí kuëënin!