1 Samuel 1:23 - Kashibo-Kakataibo Biblia

²³ Kakëxunbi ka aín bënë Elcanánën kakëxa: —Uisokin ꞌati kaina sinanin usakin kamina ꞌati aín. Usa ꞌain kamina an pain xuma ëntamainun bërúti ꞌain. ꞌËx kana kuëënin Nukën ꞌIbun ax kikësabiokin ꞌanan mi ꞌakinti. Ësokian kakëx kuanima bërúxun ka ꞌain tuákën xuma ꞌakë ëntanun ꞌikiankëxa.

1 Samuel 1:23 ပူးပေါင်းရင်းမြစ်များ

2 Samuel 7:25

“Usa ꞌain kamina mix Dios ꞌianan dioskaman Dios ira ꞌixun min uni ꞌikëmi ꞌë kakë banakama, manukinma sinánkin ꞌën rëbúnkinën babakama, mixmi kiásabiokin ꞌakinti ꞌain.

1 Reyes 3:21

Pëkarakëma ꞌaínshi bësui nirukin xuma ꞌaminuxun ꞌën iskëxbi ka ꞌën tuá rëtëkë ꞌiaxa. ꞌAínbi kana ꞌaimaia xabati pëkarakëbëtan ñachakin iskëxbi ka ꞌëx bakënkë ꞌën tuá ama ꞌiaxa.

Salmos 22:9

Usa ka: usa ꞌain kamina min ꞌën titan pukunuax bakënun ꞌë ꞌimiakën; ꞌimixun kamina ꞌain kisinu makaxun ꞌain xuma ꞌamikin ꞌë kanionun ꞌimiakën.

Isaías 44:26

ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.

Mateo 24:19

Usaía ꞌicëbë ca xanu tuñucama ꞌimainun aín tuá ꞌicúcë xanucamaxribi abáquiani cuani nuibacanuxun ꞌaia.

Lucas 11:27

Usaquian unicama ñuixunia ca xanu achúshinën munuma banaquin Jesús cacëxa: —An tuutancëx bacë́nxun mi xuma ꞌamiá xanu ax ca cuëëinra cuëënti ꞌicën.

1 Samuel 1:17

Kixun kakëxun ka —chuámarua kamina kuanti ꞌain —kixun Elínën kakëxa—, ꞌimainun ka Israelkaman Diosan ka min ñukákësabi okin mi ꞌinánti ꞌikë kixun kakëxa.

1 Samuel 14:36

Usakin ꞌatankëx ka Saúl ësai kiakëxa: —Ënë imë́ kananuna filisteo unikama pëkarakuatsintamainun, achúshirabi bërutanuma ꞌai kuanti ꞌain. Kia ka kamaxunbi kakankëxa: —Uisakin kaina ꞌaisatani usakin kamina ꞌati ꞌain. ꞌAínbi ka usai kiabi sacerdote Ahíasnën atu kakëxa: —Añu karanuna ꞌaisatani a ꞌanux kananuna Diosbëpan banati ꞌain.

1 Samuel 14:40

usakin kakëxuma ka kamabi Israel unikama Saúlnën kakëxa: —Nëkëmanan ꞌikë raíri ꞌimainun, raíri ꞌukëmanan ꞌikë mikamax kamina ꞌën bakë bëchikë Jonatánnën mitsu uamainun kuanti ꞌain. —Kia ka uisakin kaina nu ꞌaisatani usakin ꞌati ꞌai —kixun unikaman kakëxa.