1 Samuel 1:22 - Kashibo-Kakataibo Biblia

²² usai kuankëbëbi ax kuankinma ka Anan aín bënë kakëxa: —ꞌËx kana ꞌën tuakënpan xuma ëntamainun kuanima. Usa ꞌain kana xuma ꞌakë ënia kuni Nukën ꞌIbu ꞌën kakësabiokin ꞌaxunia anubi ꞌinun ëni kuanti ꞌain.

1 Samuel 1:22 ပူးပေါင်းရင်းမြစ်များ

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Salmos 23:6

Min asérabi nuibanan ꞌë ꞌakinkëx kana nëtë itsi nëtë itsi inúmi mibë tsóti ꞌain ꞌën ꞌIbu Dios, mibë kana xënibua ꞌaínbi nëtë́timoi min nëtënu ꞌiti ꞌain.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Lucas 2:22

Moisésnën cuënëo banaxa —bacë́ntancëxun ca camabi judío xanun usoquin aín tuá ꞌati ꞌicë —quicësabi oquin ca Maríanën anúan bacë́ncë ꞌuxë sënë́ncëbëtan aín rëcuën tuá Josébëtan Jerusalénu buáncëxa, ax ca ainan ꞌicë Nucën ꞌIbu Dios canuxun.

Josué 4:7

kixun ñukákëxun kamina mitsun kati ꞌain: Ax ka Nukën ꞌIbun bunántisa okin ꞌakë kurin ratakakakë a sacerdotekaman Jordán kakë baka sikarakëkinkin rëkuë́mibiankëbëa baka tëarabëakëxa kixun kati ꞌikën. Ënë maxakamax ka Israel unibunëan ënuax ka usai ꞌiakëxa kixun sinánti ꞌikën.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.

1 Samuel 2:11

Ësai kitankëx sënë́nkiani ka Elcaná ꞌimainun Ana Ramánua ꞌikë aín xubu anu kuankëxa, kuankinbi ka aín tuá sacerdote Elí kakë anu an bërúanxun Nukën ꞌIbun ñu mëëti ꞌakinun ëbiankëxa.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.

1 Samuel 28:2

Kakëxun ka Davidtan kakëxa: —Asábi ka. Usa ꞌain ka, ꞌapu an ñu ꞌaxúnti uni ënëx ka ꞌakanainsa ꞌikë kixun ꞌunánti ꞌikën. Usai kia ka Aquís an David kakëxa: —ꞌËn suntárukaman kushi mi chikitima ꞌinun kana mi anëti ꞌain kixun ka kakëxa.

1 Samuel 3:1

Samuelnën ka uni bëná ꞌixun Elínën ꞌamikëxun Nukën ꞌIbun ñu mëëti ꞌakëxa. A nëtë kaman ka ꞌitsaira abë banakin uibi bana ñuixuanan namákësa okían isnun Nukën ꞌIbun ismiama ꞌikën.