1 Samuel 1:19 - Kashibo-Kakataibo Biblia

¹⁹ Usaia ꞌión pëkarakëma ꞌaínshi nirutankëxun Nukën ꞌIbu rabibiani ka anuaxa ukë Ramá kakë ëmanu ꞌikë aín xubu anubi kuantëkëankëxa. Kuanx ka anuax Elcaná aín xanu Anabë ꞌiakëxa, ꞌikë ꞌunánxun ka Nukën ꞌIbuan an ñukákin kakësabiokin ꞌaxuankëxa.

1 Samuel 1:19 ပူးပေါင်းရင်းမြစ်များ

Génesis 21:1

Usa ꞌain ka ax kikësabi oia ꞌinun Sara Nukën ꞌIbun bërúankëxa, usokëx ka ax kikësabi oi ꞌiakëxa,

Génesis 30:22

Usa ꞌain ka Nukën ꞌIbu Dios an ñukákëx Raquelmi sinánkëxa; sinánkin ka an ñukákëxun kuakin tuáñu ꞌinun ꞌimiakëxa.

Génesis 4:1

Usa ꞌain ka uni aín xanubë ꞌiakëxa. ꞌItankëx ka xanux tutankëx aín rëkuën tuá Caín bakë́ankëxa, bakë́anx ka kiakëxa: Bërí kana bëbu tuá achúshiñu ꞌain. Nukën ꞌIbunbi ka ꞌë ꞌinánxa.

Génesis 8:1

Usa ꞌain ka Nukën ꞌIbu Dios Noemí sinánkëxa sinanan ka kamabi ñuina abëa nunti chaiira anu ꞌikë amiribi sinánkëxa. Sinánkin ka Diosan menu suñu bëkinun ꞌimikëbë ka baka aín ꞌëkë sënëni kuëtsëkëni munu kuabuakëxa;

2 Reyes 4:17

ꞌAínbi ka Eliseonën kakësabi oi a xanu a bëtsi bari ꞌirukëbë tutankëx achúshi bëbu tuá aín ꞌuxë sënë́nkëbë bakë́ankëxa.

Marcos 1:35

Usoquin ꞌoonx ca pëcaracëma ꞌaínshi niruquiani anua uni ꞌicëmanu cuanx Jesús Nucën Papa Diosbë banacëxa.

Lucas 23:42

Usoquin bëtsi catancëxun ca a unin Jesús cacëxa: —Jesús, min nëtënuax ꞌapu ꞌixun camina ꞌë manutima ꞌain.

1 Samuel 1:1

Anua Efraínën me aín, bashi ꞌikë Ramá kakë anu ka achúshi uni Suf kakë aín aintsi tsóa ax ka Elcaná kakë ꞌiakëxa. Ax ka Jeroham aín bëchikë ꞌianan Elihú ain xuta ꞌiakëxa. ꞌImainun ka ain xuta itsi Tohu kakë, Sufnën bëchikë ax Efraínën aintsi ꞌiakëxa.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 15:34

Usokin ꞌatankëx ka Samuel Ramá kakë ëmanu kuankëxa. Kuantamainun ka Saúl axribi anua ꞌikë aín xubu Guilgal kakë ëma anu kuankëxa.

1 Samuel 16:13

Kakëxunshi ka ñuina manchanua ꞌarukë xëni bikin aín xukë́n apankama ismainunbi David kakë uni bëná aín maxkánu axa ꞌapu ꞌinun anëkin xëni tutukaxa. Usokëbëshi ka Nukën ꞌIbun bëru ñunshin anu uax ꞌiruakëxa. Usokin ꞌabiani ka Samuel kana kuanin kixun atu kabiani Ramánu ꞌikë aín xubunu kuantëkëankëxa.

1 Samuel 19:18

Usai ka David aín xubunuax abákëxa. Abáx ka Samuel Ramá kakë ëmanua isi kuankëxa, kuanxun ka anu bëbaxun Saúlnën usokin ꞌakëkama ñuixuankëxa. Usai banakiani ka anuax David ꞌimainun Samuel ëma chukúma Naiot anu tsóti kuankëxa.

1 Samuel 2:11

Ësai kitankëx sënë́nkiani ka Elcaná ꞌimainun Ana Ramánua ꞌikë aín xubu anu kuankëxa, kuankinbi ka aín tuá sacerdote Elí kakë anu an bërúanxun Nukën ꞌIbun ñu mëëti ꞌakinun ëbiankëxa.

1 Samuel 25:1

Usa ꞌain ka Samuel ñukë ꞌain kamabi israel unikama timëkamë ꞌëox masá nuituti inkankëxa. Usai pain ꞌitankëxun ka anua aín xubu ꞌikë Ramá kakë me anubi maínkankëxa. Usokin ꞌan ka anu uni ꞌikëma me Parán kakë anu David kuankëxa.

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.

1 Samuel 8:4

Usa ꞌain ka kamabi Israel kaman ꞌapubu ax timëkiani Ramá kakë anuax Samuelbë mëranax banai rikiankëxa,

1 Samuel 9:26

mëníoxunkëx ka anu Saúl ꞌuxakëxa. ꞌUxnë́tia pë́karakë ka Samuelnën xubu manánua kuënxun Saúl kakëxa: —Kamina mi kuanun mëníokati ꞌain. Kixun kakëx ka Saúl abëa kuankë an ñu mëëxunkë uni a ꞌimainun Samuelbë ëman chikíakëxa chikíkiani ka ëma uri kuankëxa,