1 Samuel 1:10 - Kashibo-Kakataibo Biblia

¹⁰ Usa ꞌain ka Ana ꞌatima okin sinani nishi iankëxa, ini ka Nukën ꞌIbubë banakëxa,

1 Samuel 1:10 ပူးပေါင်းရင်းမြစ်များ

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

Génesis 50:10

Usakiani kuanx ka anua Goren-ha-atad, ꞌikë Jordán baka kuainakëkë anu bëbaxun ꞌaisamaira uni timëkamë ꞌëokë ax masánuituti ini rarumakëxa. ꞌImainun ka José mapai achúshi ꞌimainun rabë́ nëtë anuax ꞌitsaira iankëxa.

2 Samuel 17:8

Minbi kamina upíokin ꞌunan min papa ꞌimainun aín unikama ax ka sinaira unibu ꞌikën, usa ꞌaish sapi ka atun nishkë bukubuisama pain ꞌikën, achúshi xaëón raëkëmaxa aín tuá bikuankëx ꞌikësaira ka bërí aín sinan ꞌiti ꞌikën. Min papa ax ka ꞌakánanti ꞌunainra uni ꞌikën usa ꞌaish sapi ka unin barikëxun ꞌunánx aín suntárukamabë ñantan ꞌima abi ꞌia.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Isaías 54:6

Mix kamina xanu chipash aín bënën ꞌatimati nitsia ënkësa ꞌaish tëmërai ꞌiakën, ꞌaínbi ka min Diosan amirbishi nuitëkënun mi kaxa.

Lucas 22:44

ꞌAisamaira masá nuituti bënë́quin ca Jesusan amiribishi Nucën Papa Dios ñucátëcëancëxa. Ñucati ꞌaisamairai bënëti ca nichati aín nichá ax aín imi menu tusquicësa ꞌiacëxa.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

Rut 1:20

Kiabi ka Noemínën atu kakëxa: —ꞌË kamina bërí Noemí kakin anëtima ꞌain; Mará kakin kamina ꞌë anëti ꞌain, Dios kamabi kushiñu an ka ꞌaisamaira ꞌëx nishkë anunbi tëmëranun ꞌë ꞌimiaxa.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.

1 Samuel 1:9

Bëtsi nëtën ka Silónu kuanx, piíkin sënë́ontankëx Ana niruakëxa. Anu ka sacerdote Elí kakë ax anu tsóti ꞌakënu anuxun Nukën ꞌIbu rabiti xubu xëkuë anun atsínti ꞌurama tsókë ꞌiakëxa.