1 Samuel 1:1 - Kashibo-Kakataibo Biblia

¹ Anua Efraínën me aín, bashi ꞌikë Ramá kakë anu ka achúshi uni Suf kakë aín aintsi tsóa ax ka Elcaná kakë ꞌiakëxa. Ax ka Jeroham aín bëchikë ꞌianan Elihú ain xuta ꞌiakëxa. ꞌImainun ka ain xuta itsi Tohu kakë, Sufnën bëchikë ax Efraínën aintsi ꞌiakëxa.

1 Samuel 1:1 ပူးပေါင်းရင်းမြစ်များ

1 Reyes 11:26

ꞌItsa baritia inúkëbë ka achúshi nëtën Jeroboam Nabat ain bëchikë ax Salomón chikíanan ꞌapu ꞌiisa tankëxa. Jeroboam ax achúshi uni an Salomónnën ñu mëëxunkë Seredá kakë ëmanu ꞌikë ꞌaish Efraínën rëbúnki ꞌiakëxa. Usa ꞌain ka aín tita ax raëmëkë xanu Serúa kakin anëkë ꞌiakëxa.

Mateo 27:57

A nëtë bari cuabutia bëbaquishcëbë ca ꞌitsaira ñuñu uni Arimatea ëmanu ꞌicë, José cacë, ax ami sináncë ꞌaish, anuaxa Jesús bamacë anu cuancëxa.

Josué 24:33

Eleazar, Aarónën bakë bëchikë ñukë ꞌikë ka aín aintsikaman aín bakë bëchikënën me anua Efraín unibu ꞌikë, Finees kakë uni aín me anubi maíankëxa.

Jueces 4:5

Usa ꞌaish ka anubi tsókë ꞌaish Débora ax kuanx kuanx xëbin nikë tëmú tsókë xanu ꞌiakëxa (usa unánxun ka “Déboranën xëbin kakin anëakëxa”) ax ka Efraín unikaman me Ramá ꞌimainun Betel an nëbë́tsiorakë ëma anu ꞌiakëxa, anu ꞌain ka Israelkamax uix kara nishanani ꞌatima onanxa ax an mëníoxunun anu kuankëxa.

Rut 4:22

Obed ax ka Jesé aín papa ꞌiakëxa, ꞌimainun ka Jesé ax Davidnën papa ꞌiakëxa.

1 Samuel 1:19

Usaia ꞌión pëkarakëma ꞌaínshi nirutankëxun Nukën ꞌIbu rabibiani ka anuaxa ukë Ramá kakë ëmanu ꞌikë aín xubu anubi kuantëkëankëxa. Kuanx ka anuax Elcaná aín xanu Anabë ꞌiakëxa, ꞌikë ꞌunánxun ka Nukën ꞌIbuan an ñukákin kakësabiokin ꞌaxuankëxa.

1 Samuel 17:12

Jesé ax ka Belén kakë ëma anu tsókë uni ꞌiakëxa, usa ꞌain ka Saúl axa ꞌapu ꞌain a uni kaniakëti uni ꞌikësabi apan ꞌiakëxa. A unix ka ocho bakë bëchikëñu ꞌiakëxa, aín bakë bëchikë achúshinëx ka David ꞌiakëxa.

1 Samuel 2:11

Ësai kitankëx sënë́nkiani ka Elcaná ꞌimainun Ana Ramánua ꞌikë aín xubu anu kuankëxa, kuankinbi ka aín tuá sacerdote Elí kakë anu an bërúanxun Nukën ꞌIbun ñu mëëti ꞌakinun ëbiankëxa.

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.

1 Samuel 9:4

Usakin kakëx mëníoka kiani ka Saúl Efraínën rëbúnki ꞌain bashi a inubiani kuankin Salisá kakë me ꞌunánkë a inubiankëxa; inubiani kuankinbi ka aín burro xanukama mërama ꞌikën. Mërakinma Saalim kakë me a inubiani kuanxun Benjamínën rëbúnkinën me anuaribi barikinbi ꞌaíma okëxa.

1 Samuel 9:5

ꞌAima obiani Suf kakë me anuribi kuani bëbakin ka an ñu mëëmikë uni abë kuankë a Saúlnën kakëxa: —ꞌAima ka usa ꞌain kananuna ënushi bërukiani kuantëkënti ꞌain, ꞌën papa sapi ka numi ꞌaisamaira sinania burro xanukamami ꞌikësamaira usa ꞌain kananuna kuantëkënti ꞌain.