1 Reyes 9:8 - Kashibo-Kakataibo Biblia

⁸ Usakin ꞌanun atu ꞌamianan kana anuxun ꞌë rabiti xubumi ꞌamikë ënëribi rurukubuti aín maxákama tukibuti aín i kamaribi chánkibuaxa bukunun ꞌimiti ꞌain, usakin ꞌën ꞌimikë ꞌain ka a ꞌurama kuainkin isi ratuti ami uni kuaiti ꞌikën, kuai ka ñukákanani kananti ꞌikën uisai ꞌiaira kara Diosan ënë me ësonan anuxun a rabiti xubu ënë ësokin ꞌakëxa.

1 Reyes 9:8 ပူးပေါင်းရင်းမြစ်များ

2 Reyes 22:17

Atun ka ꞌën kakësokin ꞌakë a ëntankëxun, bëtsi dioskama a rabikin ñu xaroxuanxa, usokin ka ꞌë nishmikin a ñukama uisokin ꞌati kara kuëënia usabiokin ꞌaxa; usa ꞌain kana atumi ꞌaisamaira oi nishin, usa ꞌixun kana ñu ꞌatima ꞌaishia bukunun ënkinma atu ꞌatima oti ꞌain.

2 Reyes 25:9

usakin xukëx kuanxun ka anuxun Dios rabiti xubu akëñun anua ꞌapu tsókë aín xubu a ꞌanan kamabi uni ñu ꞌunánkë a ëmanu ꞌikë xubukamaribi nëankëxa,

Isaías 64:11

Anuxun mi rabiti xubu upíira, ꞌaxuan nun chaitiokëkaman mi rabia, aka masókin tsin mënuakëxa. ¡A nun ꞌitsaira kuëënkan ñukama axribi ka masókan ꞌikën!

Jeremías 18:16

Usaia ꞌikëbë ka atun ëmakama anu uni ꞌikëma mesa ꞌinun ꞌiakëxa, usaía ꞌikë ꞌain ka kamabi menu ꞌikë unikama ami kuaiakëxa. Usa ꞌain ka uikamax kara anun inuti kuania akaman rakuë́kin tankin ꞌain maxká shaíkai tënkëti ꞌiti ꞌikën.

Jeremías 19:8

Ënë ëma kana anu uni ꞌikëma mesa ꞌimiti ꞌain ꞌimikëbë ka anu ꞌikë unikamax ꞌitsaira rakuë́ti ꞌikën. Usa ꞌain ka axa anun inúkë unikamax masókin ꞌaíma ꞌitánun këñua a isi ratuti rakuë́kanti ꞌikën.

Jeremías 52:13

an ka Babilonianu ꞌikë suntárukaman anuxun Dios rabiti xubu, ꞌanan anua ꞌapu tsókë aín xubukama ꞌanan kamabi uni ñu ꞌunánkë a ëmanu ꞌikë aín xubukamaribi nëënun ꞌamiakëxa,

Daniel 9:12

Min nunu ñu ꞌatimaira ꞌimikin kamina usokin kana ꞌati ꞌai kiaxmi kia usabi okin nu ꞌimianan ꞌapukamanuribi ꞌimian, usa ꞌain ka uínsaran nëtënbi bëría ꞌikë ësai Jerusalénnu ñu ꞌikëma ꞌikën.