1 Reyes 9:6 - Kashibo-Kakataibo Biblia

⁶ Usa ꞌaínbi kana mix ꞌikëbëma min rëbúnkikama ꞌikëbëa bëtsi unikamaribi ꞌë rabiti ëni ꞌëmi manúkin a tanti banakama ꞌimainun ax kikësabi oi ꞌiti banakama a ñuikin usakin ꞌanun ꞌën atu kakë usakinbi ꞌakinma, ami katamëkin bëtsi ñukama rabia kana,

1 Reyes 9:6 ပူးပေါင်းရင်းမြစ်များ

2 Reyes 18:12

Ënë ñukama ka Israel unikama inúakëxa atúnbi ka Diosan bana kikësoi ꞌisamatankankëxa, usai ꞌikin ka a tanti bana ꞌatima okankëxa aín uni Moisés usakin atu ꞌunánminun kixun Diosan ká banakama abi kuaisama tankë kupín.

2 Reyes 22:17

Atun ka ꞌën kakësokin ꞌakë a ëntankëxun, bëtsi dioskama a rabikin ñu xaroxuanxa, usokin ka ꞌë nishmikin a ñukama uisokin ꞌati kara kuëënia usabiokin ꞌaxa; usa ꞌain kana atumi ꞌaisamaira oi nishin, usa ꞌixun kana ñu ꞌatima ꞌaishia bukunun ënkinma atu ꞌatima oti ꞌain.

Salmos 89:30

“ꞌAínbi kana atun bëchikëkama, ꞌën ꞌunánmikë banakama kikësokin ꞌaíma ꞌianan,

Salmos 89:31

a ꞌaisama tani akamami ꞌianan, ꞌëx kia bana ax kikësaibi oi ꞌiti banakama kuaisama tania,

Salmos 89:32

kana ꞌën atux usai ñunshinakëkin, ñu ꞌaisama ꞌakë a kupín atu i pëñan bixun unin aín bakë bëchikë ꞌakësaribi okin atu ꞌatima okin tëmëramiti ꞌain;

Jeremías 26:4

Ësokin kamina atu kati ꞌain, ꞌëx min ꞌIbu ꞌaish, kana usai kia kixun kamina kati ꞌain: Mitsun kamina ꞌën kakëxun kuama ꞌain, usa ꞌixun kamina ꞌën kakësabiokin ꞌaiman,

1 Samuel 15:11

—ꞌËnbi upí ꞌiisa sinánkin Saúl ꞌapu ꞌinun ꞌimikëxunbi ka, ꞌën ꞌanun kakësokin ꞌakinma an kuëënkësokin ꞌaxa. Ësokin kakëx ka Samuel masá nuituti ꞌitsaira nishakëxa, usai ꞌiax ka a imë́ Nukën ꞌIbubë bananëakëxa.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.