1 Reyes 8:9 - Kashibo-Kakataibo Biblia

⁹ Usa ꞌain ka bunántisa okin ꞌakë kurin ratakakakë anu raíri ñukama nankan a ꞌaíma ꞌimainun maxax pará rabë́ anua usai Israel unikama Egipto menuax chikíkiani kuani ꞌitia Diosan kuënëomikëxun ꞌaxun Moisésnën Horeb kakë bashi anuxun nan ashi anu ꞌiakëxa.

1 Reyes 8:9 ပူးပေါင်းရင်းမြစ်များ

1 Reyes 8:21

ꞌAnan kana a xubu mëu anu bunántisa okían ꞌakë kurin ratakakakë anua Diosan banakama ꞌikë anu nantiribi ꞌamian ax ka Diosan nun chaitiokëkama Egipto menua chikínbëtsinkin usaía atux ꞌiti banakama ꞌinan anu nankë a ꞌikën.

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 14:24

ꞌaínbi ka pëkarakuatsínkëbëtan Nukën ꞌIbun egipcio suntárukama nëtë kuin tsi rëkirukësa anuxun iskin aín caballonën nikinkë akamaxa chakanani masónanun ꞌimiakëxa;

Éxodo 16:10

Kixuan Aarónën atu kakëxun kuakian Israel unikaman bukuxun anu uni ꞌikëma me au bësukin iskankëxbi ka bënëtishi nëtë kuinsa mëuxuan, Nukën ꞌIbun ain kushin barin ꞌakësamaira okin pë́kakëx ichutia iskankëxa.

Éxodo 16:33

Usakin atu pain katankëxun ka Moisésnën Aarónribi ësokin kakëxa: —Achúshi ñutë bitankëxun kamina anu rabë́ litro maná nanti ꞌain. Usakin ꞌaxun kamina anuxun Dios rabiti ꞌakë anu nanti ꞌain, anu nan ꞌikë ka nun rëbúnki kamanribi anua isti ꞌikën.

Éxodo 40:20

Usakin akamapain sënë́ontankëxun ka Moisésnën ax kikësabi oi ꞌiti bana kuënëokë maxá pará rabë́ a bunántisa kurin ratakakakë mëu ꞌaruakëxa; ꞌarutankëxun ka bunántisa kurin ratakakakë aín ñaruantikama ꞌakëxa, ꞌimainun ka aín maputiribi ꞌatankëxun xubu chatani aín kata upíira a ꞌukëmëu uankëxa; uanxun ka chuparibi bunántisa kurin ratakakakë axa ꞌukëmëu ꞌinun nëbëtsin amo rabë́ ꞌitanun bëarakin bëpankëxa; Nukën ꞌIbun usakin ꞌanun kakësabiokin ka ꞌakëxa.

Levítico 16:2

Usa ꞌain ka Nukën ꞌIbun Moisés kakëxa: —Min xukë́n Aarón kamina ësokin kati ꞌain, bëtsi nëtë́an uisaxi anu ꞌëx ꞌikë upíira kakë chupa bëpankë a kaxú atsíaxma ꞌinun kanan kamina, bunántisa okin ꞌakë anun mapukë a ꞌurama oxuma ꞌanun kati ꞌain, anu kuaníbi ka bamati ꞌikën; ꞌëx kana aín mapúti ꞌikë anu kuin mëu mërati ꞌain.

Números 9:15

A nëtë́an xubusa okin chupa ꞌakë a sënë́onkë a nëtënbi ka manámiax ubukin Diosan amikëxun kuinan a xubu mapuakëxa, mapukëx ka pëkaratamainun usai ꞌiakëxa.

Deuteronomio 31:26

ꞌËn kuënëokë a tanti bana ënë kamina mitsu ꞌinámainun bunántisa okin ꞌakë kurin ratakakakë rapasu anua Diosan achúshi ñu ꞌakë kikë anu nankanti ꞌain, anu nankë ax ka mitsun usai kananuna ꞌiakën kixun anua ꞌunánti ꞌiti ꞌikën.

Deuteronomio 4:13

Nukën ꞌIbunbi ka mitsu ꞌunánmiakëxa achúshi ñu ꞌakin ax ka mapai rabë́ bana maxá paránu kuënëokë ax kikësaibi oi ꞌikin mitsun a tanti bana ꞌiakëxa.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.

Apocalipsis 15:8

Angelcama anuax chiquícëbë ca anuxun Nucën Papa Dios rabiti xubu anua aín cushi ꞌain, tsin cuinan nuturucësa ꞌiaxa. Usai ꞌicë cupí ca a mëcën achúshi ꞌimainun rabë́ ángelcaman ñu ꞌatia sënë́ntamainun uinu ꞌicë uníxbi a xubunu atsíncëma ꞌicën.