1 Reyes 8:8 - Kashibo-Kakataibo Biblia

⁸ ꞌAínbi ka anun tuínxun buánti ꞌakë tsatisa ax aín rarasama chaxkë́ira aín rëbu ꞌiakëxa, usa ꞌikë ka upí kakë anuxunbi unin aín kata upíira anu nankë istisa ꞌiakëxa, ꞌaínbi ka ëmánxun unin istisama ꞌiakëxa; usai kaisa anúan ënë kirika kuënëoti nëtë sënë́ntamainun ꞌiakëxa.

1 Reyes 8:8 ပူးပေါင်းရင်းမြစ်များ

1 Reyes 8:7

aín pëchi rabë́ an ka bunántisa okin ꞌakë kurin ratakakakë a mapuanan anun tuinbiankin buánti ꞌakë tsatisa akëñunbi mapukë ꞌiakëxa.

Éxodo 40:20

Usakin akamapain sënë́ontankëxun ka Moisésnën ax kikësabi oi ꞌiti bana kuënëokë maxá pará rabë́ a bunántisa kurin ratakakakë mëu ꞌaruakëxa; ꞌarutankëxun ka bunántisa kurin ratakakakë aín ñaruantikama ꞌakëxa, ꞌimainun ka aín maputiribi ꞌatankëxun xubu chatani aín kata upíira a ꞌukëmëu uankëxa; uanxun ka chuparibi bunántisa kurin ratakakakë axa ꞌukëmëu ꞌinun nëbëtsin amo rabë́ ꞌitanun bëarakin bëpankëxa; Nukën ꞌIbun usakin ꞌanun kakësabiokin ka ꞌakëxa.

Mateo 28:15

Usoquian judíos unibunën ꞌapucaman cacëx ca suntárucamax curíqui bibiani atúan cacësabi oquin unicama parani cuancëxa. Atúan usoquin cá cupí ca bërí nëtë́nribi judíos unicama usai quia.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.