1 Reyes 8:6 - Kashibo-Kakataibo Biblia

⁶ Usakin ꞌatankëxun ka Sacerdote unikaman bunántisa okin ꞌakë kurin ratakakakë anua Diosan bana kuënëo mëníokin nan a buántankëxun anuxun Dios rabiti xubua ꞌakë a ꞌukëmëu, aín kata upíira anua querubin tankin ꞌakë aín pëchi tëmú anu nankankëxa,

1 Reyes 8:6 ပူးပေါင်းရင်းမြစ်များ

2 Samuel 6:17

Usokin buánxun ka anu nantia aín unikama xubusa okin chupa ꞌamikë a mëu nanun ꞌamiakëxa. Usokin anu nantankëxun ka Davidnën ñuina rëtankëxun ꞌaímai këñutanun Dios xaroxuanan anun mëníonanti aribi xarokëxa,

2 Samuel 6:2

Usokin ꞌabiani ka Baalá ꞌikëbia Quirat-jearim kakinribi anëkë axa Judá menu ꞌikë anuax aín treinta mil suntárukama buani, uisoxun karaisa bunántisa okin ꞌakë anua Diosan bana kuënëokë nankë a buánti ꞌikë kixun tani kuankëxa, ax ka Israel kaman Dios kamabi kushiñuira ꞌianan aín ángel pëchiñukama usamaira ainan ꞌiakëxa.

1 Reyes 6:16

ꞌAnan ka manámixun meu okin kunxan tukapakënën anuxun Dios rabiti xubu aín tsipunu nueve metrobëtan sënën bëarakin kënëakëxa, ax ka ain kata upíira ꞌitia ꞌakë ꞌiakëxa.

1 Reyes 6:19

Usakin ꞌakë ꞌain ka Salomónnën xubu a mëu kata upíira anu ꞌati a mëníokëxa, ax ka anu Diosan bunántisa okin ꞌakë achúshi ñu mëníokë a nanti ꞌiakëxa.

1 Reyes 6:27

Usa ꞌikë ka Salomónën aín kata upíira anu nitsínun ꞌamiakëxa. Querubin tankin ꞌakë a ka ain pëchi pëchakin nitsíankëxa, usa ꞌain ka bëtsi pëchia amo ꞌikë anun chikënkëmi pëtíkimainun bëtsíxribi amo ꞌikëmi pëtíkikë ꞌiakëxa, ꞌianan ka amo ꞌikë rabë́ axribi bëtsibë pëtikanankë kata upíira anubi ꞌiakëxa.

1 Reyes 8:3

Usaia kamabi Israel kushikamax anu timë́ti bëban ka Sacerdote unikaman bunántisa okin ꞌakë kurin ratakakakë anua Diosan banakama kuënëoxun nan a bianan,

1 Reyes 8:4

xubusa okían anuax Diosbë mërananti ꞌakë a mëu bukúnkë ñukama upíirabu akama këñunbi, Sacerdote ꞌimainun Levitas unikama raírinën buánkëxa.

1 Reyes 8:7

aín pëchi rabë́ an ka bunántisa okin ꞌakë kurin ratakakakë a mapuanan anun tuinbiankin buánti ꞌakë tsatisa akëñunbi mapukë ꞌiakëxa.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Salmos 80:2

Mix kushi ꞌixun kamina. Efraín Benjamín ꞌimainun Manasés aín rëbúnkikama ꞌakinti ꞌain, ¡usa ꞌain kamina min kushin ismikin nukama ië́miti ꞌain!

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.