1 Reyes 8:44 - Kashibo-Kakataibo Biblia

⁴⁴ Uínsaran kara min uni Israelkamax axa atumi nishkë unikamabë ꞌakananux min xukëx uinu kaina xuti anu kuania, anuxua mibë banakin min nu kaisuan ëma ënëmiokin isanan ꞌën unikama anuxun mi rabiti ꞌamia xubu,

1 Reyes 8:44 ပူးပေါင်းရင်းမြစ်များ

2 Samuel 5:19

Usai atux ꞌimainun ka, Davidtan ënë ñuikin abë banakin Dios kakëxa: —¿Filisteo unibunën suntárukama karana ꞌakanankinti ꞌain? ¿ꞌË kaina atu ꞌaia ꞌakinkin kushioti ꞌain? Kakëxun ka Diosan kakëxa: —Asabi ka, kamina atu ꞌati ꞌain, ꞌaia kana mi ꞌanun mitsu ꞌakinti ꞌain.

2 Samuel 5:23

ritëkënkuatsinkë ꞌain ka abë banakin David ësokin Diosan kakëxa: —ꞌAkin kamina ꞌashi buinxun atu ꞌatima ꞌain, anua bukukankë a kaxú kuainakëkin bëararatankëx kamina anua bálsamo kakë i nikë anu bëbakin ꞌati ꞌain.

1 Reyes 8:16

A nëtën ꞌën Israel unikama Egipto menua chikínbëtsinkin bëkin kana uinu ꞌikë Israel ñaká kamanuabi an anuxun ꞌë rabiti xubu ꞌaxúnun kixun kaisama ꞌain. ꞌAínbi kana David ashi ax ꞌapu atsíntankëxuan Israel ꞌën unikama ꞌakinun kaisakën.

1 Reyes 8:45

amiokin iskin ñukákëxun kamina naínuxunbi atun bana kuakin añu kara mi ñukatia a ꞌakianan, uisai kara ꞌia anuabi ꞌakinti ꞌain.

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 6:14

Ësokian kakëxun ka Nukën ꞌIbun ángelnën bëískin kakëxa: —Mix kamina ꞌaisamaira kushiñu ꞌain, usa ꞌain kamina madianita unikaman Israelkama ꞌaisamaira okë a isti ꞌain. ꞌËn kana mi kuantanun xuti ꞌain.

1 Samuel 15:18

Usa ꞌikë ka Nukën ꞌIbun, minmi Amalecita ꞌuchañu unibu abë ꞌakanankin aín suntárukama këñukinshi ꞌanun mi kaxa.

1 Samuel 15:3

Usa ꞌain kamina, min suntárukama buani kuantankëxun; atu ꞌakin añu ñuñu kara atux ꞌikë akamabi masókin ꞌanan atu nuibakinma kamabi uni ꞌimainun xanukamaribi ꞌanan tuá bërunankë akama ꞌanan bëría bakënkë akamabi ꞌati ꞌain, ꞌanan kamina vaca bënë atun oveja camello ꞌimainun atun burrokama këñukin ꞌati ꞌain.