1 Reyes 8:32 - Kashibo-Kakataibo Biblia

³² a kamina naíkamë ꞌëo anumi ꞌikë anuxunbi istankëxun min uisakin kara ꞌati ꞌikë a mëníonun ꞌamiti ꞌain usokin kamina; min uni ꞌikëbi ꞌati ꞌain. Uin pain kara bëtsi ꞌaisama oxa a ꞌatimokin, ꞌaxa usai ꞌikë kupí an ꞌakë ñu istankëxun, ꞌanan kamina an bëtsi ꞌatima okëma uni ashi uisabi okima ënti ꞌain.

1 Reyes 8:32 ပူးပေါင်းရင်းမြစ်များ

2 Samuel 22:21

Diosan ka ꞌë upíokin ꞌakinkin ꞌitsaira ꞌakianxa ꞌën kana añu kara an iskëx asábi ꞌikë ashi ꞌan. Usa ꞌixun ka unían nun ñu ꞌinankësa usaribi okin ꞌë upíokin ñu ꞌaia ꞌakianxa,

Éxodo 34:7

ꞌImainun kana bërámabi usa ꞌia ꞌaish xënibua ꞌaínbi usabi ꞌixun nuibakin uin kara bana kuakinma ñu ꞌatima ꞌai ꞌëmi ꞌuchaia akama mëníoxunti ꞌain; ꞌaínbi kana usashi ënkinma axa ꞌuchakë uni ꞌatima oti ꞌain, usakin ꞌanan kana aín papa ꞌuchakë kupínribi aín bakë bëchikëkama ꞌimainun aín babakama ꞌianan aín bëchikënën bëchikënëan bakë bëchipakëkamaribi ꞌatima oti ꞌain.

Proverbios 1:31

¡Usaími ꞌikë anbi ka mitsu ꞌupitax ꞌisama okin tëmëramiti ꞌikën! ¡Usaími ꞌikankëbë ka mënioisama mitsúnbi sinánxun ꞌakë ꞌaisama ñukama ax ꞌiti ꞌikën!

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Ezequiel 18:13

usai ꞌikin ka bëtsi uni aín kuríki ꞌinanxunbi a ꞌinánkë a inumikinsa cha ꞌinanun kixun ubíokin kaia: usa ꞌaish ka a uni upiti tsótima ꞌikën. Usakin kamabi ꞌën kuëënkëma ñukama ꞌatankëx ka a uni uisokinbi unin mënioisama ꞌinun bamati ꞌikën, usaía a uni bamakë ax ka aín ꞌuchanbia bamakë ꞌiti ꞌikën.

Ezequiel 18:20

Usa ꞌain ka uix kara ꞌuchaia axëshi ñukë ꞌiti ꞌikën. Usa ꞌain ka aín bakë bëchikënëx aín papa ꞌuchakama kupín tëmëratima ꞌikën, ꞌimainun ka ain paparibi aín bakë bëchikënën ꞌuchakama kupín tëmëratima ꞌikën. Usa ꞌain ka uni upíkama an upíokin ñu ꞌakë ꞌixun a ꞌinánti ñu a biti ꞌikën; ꞌimainun kana ꞌatima sinánñu unikama aribi ꞌatimokin sinánkin ñu ꞌakë ꞌikë ꞌatimoti ꞌain.

Ezequiel 18:30

ꞌËn kana achúshi achúshi uni Israel unibu mitsu uisakin kaina ñu a usakinbi ꞌati ꞌain. ꞌËxmin ꞌIbu ꞌaish kana asérabi ësai kin. Usa ꞌain kamina bëríbi mitsun ñu ꞌatima ꞌakëkama a ënti ꞌain, usa ꞌain ka a kupín ꞌuchokë ꞌitima ꞌain.

Romanos 2:13

Aín bana ꞌunánquinbi a bana quicësabi oquin ꞌacëma uni a ca Nucën Papa Diosan upí isima. Usa ꞌaínbi ca an a bana ꞌunánquin ax quicësabi oquin ꞌacë unicama a cuni Nucën Papa Diosan upí ꞌicë isia.

Romanos 7:9

ꞌËn uisa ñu cara ꞌati ꞌicë, uisa ñu cara ꞌatima ꞌicë quicë bana ꞌunánma ꞌixun cana ñu ꞌaisama ꞌaquinbi usaquin ꞌati ca ꞌaisama ꞌicë quixun ꞌunánma ꞌain. Usai ꞌitancëxunbi cana a bana ꞌunáncën. ꞌUnánquin cana ñu ꞌatima ꞌati ax ca ꞌuchaira ꞌicë quixun ꞌunánxunbi ꞌacë ꞌaish ꞌën ꞌucha cupí Nucën Papa Diosbë ꞌitimoi bamati ꞌiacën.

Deuteronomio 25:1

Uikamax kara bëtsibë nishananxa ax ka anuxuan ami uni manánkëxun ꞌapun bana mëníokë anu buánkë ꞌiti ꞌikën; anuxun ka ꞌapun uin pain kara ami nishkin bëtsi ꞌatima oxa a ꞌatima oti isanan bëtsi a uisabi otima ꞌikën.

1 Samuel 2:25

Achúshi uníxa bëtsi unimi ꞌatimati banakë a ka Nukën ꞌIbun mëníoti ꞌikën; ꞌaínbi ka achúshi uníxa Nukën ꞌIbu ñui banakë a ¿kara uin mëníoxunti ꞌik? Kixun kakëxunbi ka aín papan bana atun kuaisama tankëxa, usai ka Nukën ꞌIbunbi usai ꞌia atu këñumiti sinánkë ꞌain ꞌiakëxa.