1 Reyes 6:9 - Kashibo-Kakataibo Biblia

⁹ ꞌAmianan ka Salomónnën anuxun Dios rabiti xubu ꞌamikë unikaman i tukapakënën pain, an tupëonti ꞌatankëxun kunxan upíirabu ꞌitánun tukapakë rokë aribi i tukapakë ami bikin ꞌakëxa.

1 Reyes 6:9 ပူးပေါင်းရင်းမြစ်များ

1 Reyes 6:10

ꞌAnan ka anuxun Dios rabiti xubu kënëkë rapasu anu ñukama bukúnti ꞌakë xubu ain manámi tupunkë ax rabë́ metro ꞌimainun veinticinco centímetro ꞌiakëxa, ax ka xubu cha anun kënëkë amibi nankin kunxan tukakë ꞌirakankë ꞌiakëxa.

1 Reyes 6:14

Usakin ꞌaxun ka Salomónnën ꞌamikë unikaman anuxun Dios rabiti xubu sënëonkëxa.

1 Reyes 6:38

usokin ꞌaxun ka axa ꞌapu ꞌikë mapai rabë́ ꞌimainun achúshi bari ꞌikë anua mapai achúshi ꞌimainun rabë́ ꞌimainun achúshi ꞌuxë Bul kakë anun ka xubu ꞌakë a kamabi mëníokin sënëonkëxa. Usakin ꞌakin ka mapai achúshi ꞌimainun rabë́ baritia Salomónnën atu ñu mëëmikin sënëónkin ꞌamiakëxa.

1 Reyes 6:8

Usa ꞌain ka anu ñu bukúnti xubunu men atsínti aín xëkuë ax ka anuxun Dios rabiti xubu mëkeu ꞌakë ꞌiakëxa; ꞌimainun ka aín nëbë́tsin ꞌikë aín kata itsi anu aín maskuannu anun kuaruti aín tapiti tëntuankin uarukin ꞌakë ꞌiakëxa.

Éxodo 40:33

Usokin pain kamabi ꞌamitankëxun ka Moisésnën xubusa okin ꞌakë a ꞌimainun, anuxun ñuina xara otia ꞌakë rapasu me mëníokë a chupan buinarakin anun atsintinu ꞌikë a bëararákëxa. Usokin ka Moisésnën xubusokin anua Diosbë banati a këñuakëxa,