1 Reyes 6:7 - Kashibo-Kakataibo Biblia

⁷ ꞌIanan ka anuxun Dios rabiti xubu ꞌakin an ramënioti unikaman upíokin ramëniokëshi maxax ꞌiakëxa, usa ꞌain ka xubu ꞌakëbëtan uisa martillonënbi ñu mëia kuakëma ꞌianan, manë ruën mëëkëbi kuatima ꞌianan, uisa manë ñunbi ñu mëia kuama ꞌikën.

1 Reyes 6:7 ပူးပေါင်းရင်းမြစ်များ

1 Reyes 6:6

Usa ꞌain ka anuxun Dios rabiti xubu amibi bikian ꞌakë xubu ax aín mëu ꞌikë rabë́ metro ꞌimainun veinticinco centímetro aín naxba ꞌianan ka aín nëbëtsin ꞌikë ꞌain manámi ꞌakë ax rabë́ metro setenta centímetro ꞌimainun; aín maskuanuira ꞌikë axribi tres metro quince centímetro aín naxba ꞌiakëxa; usa ꞌain ka anuxun Dios rabiti xubu aín ëman ꞌakëa chaiira ꞌikëbi nëriokin chukúma okëxa, xubu itsi ꞌakin ami aín ꞌirakankë i rakantisamabi ꞌitánun.

1 Reyes 6:8

Usa ꞌain ka anu ñu bukúnti xubunu men atsínti aín xëkuë ax ka anuxun Dios rabiti xubu mëkeu ꞌakë ꞌiakëxa; ꞌimainun ka aín nëbë́tsin ꞌikë aín kata itsi anu aín maskuannu anun kuaruti aín tapiti tëntuankin uarukin ꞌakë ꞌiakëxa.

Éxodo 20:25

ꞌImainun ka anuxun ꞌë rabiti maxá ꞌaisatankin aín ꞌipitiu manë xëtokën ramënioxun ꞌatima ꞌikën, usokin ꞌaxun ꞌakëxbi ka anuxun ñuina xaroti ꞌakë ax ꞌaisama ꞌiti ꞌikën.

Isaías 42:2

Usa ꞌain ka munuma banai kushin kiabi, ain bana ëman nikë unikaman kuakëma ꞌiti ꞌikën,

Hechos 9:31

Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Romanos 9:23

Caínpainquin ca uisaira oquin cara an ꞌatima ñu ꞌacë ꞌicëbi uni nuibaquin aín sinan upí ꞌimiti ꞌicë quixun camabi unin ꞌunánun, ainan ꞌinun caísa ꞌixun nu usaquin ꞌimia.

2 Corintios 5:5

Usaínu ꞌinúan an nu ꞌimicë ax ca Nucën Papa Dios ꞌicën. An ca, usai cananuna ꞌiti ꞌai quixúnu ꞌunánun aín Bëru Ñunshin Upí nubëa ꞌinun nu ꞌináncëxa.

Colosenses 1:12

Usoquin cananuna uisaira oquin cara aín unicama cuëënmiti ꞌicë quixun ꞌunánquinmi mitsun a —asábi ca —canun, Nucën Papa Dios mitsu ñucáxunin.

Santiago 1:20

Axa nishcë unix ca Nucën Papa Dios cuëëncësabi oi ꞌima.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.