1 Reyes 6:5 - Kashibo-Kakataibo Biblia

⁵ Usakin ꞌanan ka anuxun Dios rabiti xubu kënëkin buinarakë amibi birukin xubu amo rabë́ ꞌanan ꞌain kaxuribi ꞌakëxa, ꞌakin ka bëtsibëtan sënë́nbi ꞌakin aín kata anua sacerdotekaman mëëkë ñukama bukúnti ꞌamiakëxa.

1 Reyes 6:5 ပူးပေါင်းရင်းမြစ်များ

1 Reyes 6:16

ꞌAnan ka manámixun meu okin kunxan tukapakënën anuxun Dios rabiti xubu aín tsipunu nueve metrobëtan sënën bëarakin kënëakëxa, ax ka ain kata upíira ꞌitia ꞌakë ꞌiakëxa.

1 Reyes 6:31

Usakin ꞌanan ka anun kata upíira anu atsínti ain xëkuë anun, xëputi olivos kakë i tukapakë ꞌamiakëxa, ꞌimainun ka ami bikin xëputi nitsínti ax mapai achúshi ꞌitanun upíokin pará ꞌinun tukakë anu ñu tankin ꞌakë ꞌiakëxa.

1 Reyes 6:6

Usa ꞌain ka anuxun Dios rabiti xubu amibi bikian ꞌakë xubu ax aín mëu ꞌikë rabë́ metro ꞌimainun veinticinco centímetro aín naxba ꞌianan ka aín nëbëtsin ꞌikë ꞌain manámi ꞌakë ax rabë́ metro setenta centímetro ꞌimainun; aín maskuanuira ꞌikë axribi tres metro quince centímetro aín naxba ꞌiakëxa; usa ꞌain ka anuxun Dios rabiti xubu aín ëman ꞌakëa chaiira ꞌikëbi nëriokin chukúma okëxa, xubu itsi ꞌakin ami aín ꞌirakankë i rakantisamabi ꞌitánun.

Levítico 16:2

Usa ꞌain ka Nukën ꞌIbun Moisés kakëxa: —Min xukë́n Aarón kamina ësokin kati ꞌain, bëtsi nëtë́an uisaxi anu ꞌëx ꞌikë upíira kakë chupa bëpankë a kaxú atsíaxma ꞌinun kanan kamina, bunántisa okin ꞌakë anun mapukë a ꞌurama oxuma ꞌanun kati ꞌain, anu kuaníbi ka bamati ꞌikën; ꞌëx kana aín mapúti ꞌikë anu kuin mëu mërati ꞌain.