1 Reyes 6:1 - Kashibo-Kakataibo Biblia

¹ Salomónnën ka anuxun Dios rabiti xubu axa Israel unikaman ꞌapu ꞌikë rabë́ ꞌimainun rabë́ baritia ꞌirukëbëtan, ka Abril ꞌuxë itsi ꞌirukë anun ꞌakëxa, anúan israel unikama Egipto menuax chikíküatsini ukan cuatrocientos ochenta baritia sënë́nkëbëtan ka ꞌakin pëuakëxa.

1 Reyes 6:1 ပူးပေါင်းရင်းမြစ်များ

1 Reyes 6:2

Anuxun Dios rabiti xubu Salomónnën ꞌamia ax ka ꞌiakëxa, veintisiete metro aín chaxkë́ ꞌimainun nueve metro aín naxba ꞌianan ka trece metro ꞌimainun medio metro aín manámi okin tupunkë ꞌiakëxa.

1 Reyes 6:37

Rabë́ ꞌimainun rabë́ baritia ax ꞌapu ꞌikë ꞌain ka Salomónnën Ziv, kakë ꞌuxë ꞌikëbëtan anuxun Dios rabiti xubu ꞌakin ami puruti kamapain ꞌakëxa;

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Hechos 13:19

Usaquian ꞌacë́xa atux bëbacëbëtan ca Nucën Papa Diosan Canaán menua ꞌicë mëcën achúshi ꞌimainun rabë́ ꞌapu a aín unicamacëñunbi cëñuacëxa, a mecama ainan ꞌinun nucën raracama ꞌinánuxun.

Hechos 7:47

Usoquin sinánxunbia ꞌama ꞌain ca aín bëchicë Salomón an cuni a xubu ꞌacëxa.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Colosenses 2:7

A upí oquin ꞌunánan uisa cara ax ꞌicë quixun ꞌunani camina aín unían mitsu cacësabi oi, ami upiti catamëcanti ꞌain. Usai ꞌiquin camina camabi nëtën Nucën Papa Dios —asábi ca —quixun cati ꞌain.

Hebreos 11:10

Usaquin cacëxun ca Abrahamnën ꞌunáncëxa, —Nucën Papa Diosan, usai ca ꞌiti ꞌicë quixun mënío ꞌain cananuna ënë menu tsócë ꞌaíshbi Nucën Papa Diosnan ꞌaish, an sináncësabi oquin mënío aín nëtë anu ꞌiti ꞌai quixun. Usaquin sinani ca cuëëancëxa.

Hebreos 9:11

Usa ꞌain ca Cristo ënë menu uá ꞌaish anu Nucën Papa Dios ꞌicë, anu cuantëcëancëxa. Ënë menuax cuantëcëan ꞌaish ca anua Nucën Papa Dios ꞌicë, anu ꞌicë sacerdote, an Nucën Papa Dios nu ñucáxuncë, a ꞌicën. Anu ax sacerdote ꞌicë ax unin ꞌacëma ꞌaish ca ënë nëtënu ꞌicë tabernáculosamaira ꞌicën.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.