1 Reyes 5:7 - Kashibo-Kakataibo Biblia

⁷ Usokian kakëx ka Tironuaxa ukë unikamax atun ëmanubi rikiankëxa, rikianxun ka Salomónnëa kamikë banakama ꞌapu Hiram ñuixuankëxa. Ñuixunkëxun kuati ka ꞌitsaira kuëëankëxa kuëëni ka, munuma banai kiakëxa: ¡Nukën ꞌIbu Dios ax ka bërí upíokin rabikë ꞌiti ꞌikën, an ka David aín bakë bëchikë achúshi ꞌinánkëxa, kanitankëxuan a tuakëx sinánñuira ꞌixun aín aintsikamabi ax ꞌapu ꞌixun ꞌakinun ꞌimiakëxa!

1 Reyes 5:7 ပူးပေါင်းရင်းမြစ်များ

Génesis 33:5

Usai ꞌitankëx sënëni chairukinbi ka Esaúnën xanukama ꞌimainun tuákama mërakëxa, mërakin ka ñukákëxa: —Ui kara ¿ënë kamax ꞌik? —Ënëx ka an mi ñu mëëxunti ënën bëchikëkama Diosan ꞌinánkë ꞌikë —kixun ka Jacobnën kakëxa.

1 Reyes 1:48

ësai kiakëxa: “Israelkaman Dios ax ka upíokin rabikë ꞌiti ꞌikën, usa ꞌixun ka ꞌën bakë bëchikë achúshi ꞌënbi ismainun ꞌapu ꞌimiaxa, usakin rabikin ꞌaia kana isan kixun ka, Jotamnën ñuixunkin atu kakëxa.”

1 Reyes 10:9

¡Min ꞌIbu Diosan ka min Dios ꞌixun, upíokin ñu ꞌaia iskin nuibakin Israelkaman ꞌapu ꞌinun mi ꞌimiaxa! ¡Xënibua ꞌaínbi Israelkama ꞌikë mikama nuibakin Diosan, ꞌapu ꞌixunmi ꞌaisama okinma ñu atu ꞌaxúnti mi anëxuanxa usa ꞌain kamina bërí ꞌapu ꞌain!

1 Reyes 3:9

Usa ꞌain kamina upíokin sinánkin atun ꞌapu ꞌixun min kaisa unikama ꞌakinun ꞌë sinánmiti ꞌain, sinánmianan kamina uisa ñu kara upí ꞌikë, uisa ñux kara ꞌatima ꞌikë akamabi ꞌunánun ꞌë ꞌakinti ꞌain; usakin min ꞌakëbëma kara, ¿min unikama an tupuntisamaira ꞌinun ꞌaisamairai ꞌuakamë ꞌëokë ꞌain uix atun ꞌapu ꞌiisa uni ꞌik?”

1 Reyes 5:6

Usa ꞌain kamina min unikama Líbano menua ꞌikë kunxan upíirabu a ꞌë tëaxunun ꞌamiti ꞌain. Min ꞌamikëbëtan kana an ꞌë ñu mëëxunkë unikama ꞌaia atu ꞌakinun xuti ꞌain, usakin ꞌaia kana an mi ñu mëëxunkë unikamami kupíonun uiti kuríki kaina ꞌë ñukatin atibi mi ꞌinánti ꞌain, minbi kamina ꞌunan Israel unikaman ka uínbi i tëati ꞌunanima, Sidonio kakë ëmanu tsókë unikaman ꞌakësokin.

1 Reyes 5:8

Usa ꞌain ka nëtë itsin Hiramnën amiribishi aín unikama Salomón kaxuntanun kixun xutëkëankëxa: Xukin ka ësokin kamiakëxa, minmi ꞌë kamikë banakama ka ꞌën unikaman ꞌë kaxa usa ꞌain kana añu ꞌaxúnti kaina kuëëni a mi ꞌaxúnti ka asábi ꞌikën, usa ꞌain kana min ñukákësabi okin kunxankama ꞌamianan pino kakë i akamaribi mi ꞌamixunti ꞌain.

Salmos 137:6

¡ꞌIanan ka ꞌën anaribi ꞌën manxántami, takáshki mi sinánkëbëma ꞌiti ꞌikën, usa ꞌain kananuna ꞌitsaira kuëëni Jerusalén ami sinani manuti ꞌain!

Proverbios 13:1

Uinu ꞌikë unin bakë bëchikënën kara ñu ꞌunánkë isa tania an ka aín papan ꞌësëkëxun aín bana kuatia; usa ꞌaínbi ka uin kara ꞌësëkëxunbi bana kuaisama tania ax uisakinbi kaisama ꞌinun nishia.

Proverbios 23:24

Uinu ꞌikë unin bakë bëchikënëx kara ñu ꞌunánkë ꞌianan, upí ꞌikë an ka aín papa upí tani chuámarua ꞌinun ꞌimia;

Isaías 8:18

ꞌË ꞌimainun ꞌën bëchikëkama Nukën ꞌIbu Diosan ꞌë ꞌinánkë a kamabë kana unin ꞌunánun unitsin ꞌakëma ñusa Israel unikamanan ꞌain, Nukën ꞌIbu Dios kamabi kushiñuira axa aín bashi Siónnu ꞌikë an nankë kananuna nux ꞌain.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”