1 Reyes 5:14 - Kashibo-Kakataibo Biblia

¹⁴ usokin timëxun ka Salomónnën Líbano menu xukin diez mil uni axa achúshi ꞌuxë ꞌimikin ñumënun xuakëxa, xukëx kuanxa tëia ka ax pain kuankë unikama a ain xubunu bëanan axa kuankëma kama aribi achúshi ꞌuxë ꞌimia atúxribi tëëkanun kixun xuakëxa. Usokin xukëx ka ñu mëëi a unikamax achúshi ꞌuxë ꞌimi Líbano menu ꞌikankëxa ꞌimainun ka tanti uax atux xubunu rabë́ ꞌuxë ꞌimishi ꞌiakëxa. An atu bërúanxun ñu mëëmiti ka Adoniram kakë Israel uni achúshi anëkë ꞌiakëxa.

1 Reyes 5:14 ပူးပေါင်းရင်းမြစ်များ

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

1 Reyes 12:18

Usa ꞌain ka Roboamnën Siquemnuxun xukëbi ka Adoram an kamabi unin ñu mëia iskë a xuakëxa, xukëbi ka Israel kaman maxatan ꞌakin rëakëxa. Usakin rëkë kuati ka bënëti caballonën nikinkë anu ꞌirukiani Roboam Jerusalénnu abákëxa.