1 Reyes 3:6 - Kashibo-Kakataibo Biblia

⁶ Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

1 Reyes 3:6 ပူးပေါင်းရင်းမြစ်များ

Génesis 24:40

Kakëxun ka ësokin ꞌë kaxa: ꞌËx kana Nukën ꞌIbu kikësoi abë nitsin, usa ꞌain ka aín ángel xuti ꞌikën, mia kuania bërúanun bërúankëx kuanxun kamina achúshi xanu ꞌën aintsin bëchikë xanu ꞌën bëchikë bixunti ꞌain, ax ka ꞌiti ꞌikën, ꞌën papan aintsin ꞌibun bëchikëbi.

2 Samuel 22:21

Diosan ka ꞌë upíokin ꞌakinkin ꞌitsaira ꞌakianxa ꞌën kana añu kara an iskëx asábi ꞌikë ashi ꞌan. Usa ꞌixun ka unían nun ñu ꞌinankësa usaribi okin ꞌë upíokin ñu ꞌaia ꞌakianxa,

2 Samuel 22:25

Diosan ka ꞌë ꞌitsaira ꞌakianxa an kakësokinshi añu kara upí ꞌikë a ꞌaia iskin.

2 Samuel 7:5

“Anu kuanxun kamina ꞌën uni David abë banakin ësokin kati ꞌain, ꞌëx Dios ꞌixun kana ësakin kan: Mix kamina an, ꞌë anuxun Dios rabiti xubu ꞌaxúnti uni ama ꞌain.

1 Reyes 1:48

ësai kiakëxa: “Israelkaman Dios ax ka upíokin rabikë ꞌiti ꞌikën, usa ꞌixun ka ꞌën bakë bëchikë achúshi ꞌënbi ismainun ꞌapu ꞌimiaxa, usakin rabikin ꞌaia kana isan kixun ka, Jotamnën ñuixunkin atu kakëxa.”

1 Reyes 2:4

Usokin ꞌakëbëtan ka Diosan ꞌëbëtan achúshi ñu ꞌásabiokin nun rëbúnkikamaribi añu ꞌanun kara Diosan atu kaia usakinshi aín sinan upí ꞌixun ꞌati ꞌikën, usakin ꞌaia ka uínsaranbi nun aintsikamaxëshia Israel unibunën ꞌapu ꞌixun ꞌakinun ꞌimiti ꞌikën.

1 Reyes 3:14

Minmi ꞌëx kuëënkësabi okin ꞌanan, ax kikësabi oi ꞌiti ꞌëx kia banakama ꞌimainun a tanti banakama, min papa Davidtan ꞌasaribiokin ꞌakëbëtan, kana xënibutimi tsónun mi ꞌimiti ꞌain.

1 Reyes 9:4

Mix kamina bërí min papa David ꞌiásaribiti, ꞌën iskëx ñu ꞌatima ꞌati sinanima min nuitu upí ꞌixun, kamabi usaími ꞌinun ꞌën mi kakë bana kikësabi oi ꞌianan, ax kikësaibi oí ꞌiti banakama kikësabi oi ꞌëmi katamëtin,

Salmos 116:7

Usa ꞌain kana bërí, kuni chuámarua tanin, min kamina ꞌëbë upí ꞌixun ꞌë,

Salmos 15:2

Anu ka ꞌiti ꞌikë an upí ñuishi ꞌakë ꞌimainun an upíokinshi ꞌakin ënkinma abi ñu upíshi ꞌakë uni; ax kuni ka ꞌain bana kikësokinshi ꞌai upí ꞌiti ꞌikën;

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

2 Corintios 9:11

Usa ꞌain ca ñonquinmami anun uni itsi ꞌaquinun Nucën Papa Diosan camabi ñu mitsu ꞌinánti ꞌicën. An ꞌináncëxunmi mitsun buánmicë curíqui nun ꞌináncëxun biquin ca Jerusalénuaxa ax Jesucristomi catamëcë unicaman —asábi ca —caquin Nucën Papa Dios rabiti ꞌicën.

2 Corintios 9:5

Usa ꞌain cana ënë unicama atux pain cuanxuan, mitsun sinánsabi oquin curíqui timëti ꞌaquinun quixun rëcuë́onquin xuti sinan. Usoquin mitsun ꞌaia ca axa ꞌëbë cuancë unicaman ꞌunánti ꞌicën, nun sinánmicëxunmabi camina mitsúxbi cuëënquin curíqui Jerusalénu ꞌicë unicama ꞌinani quixun.