1 Reyes 3:3 - Kashibo-Kakataibo Biblia

³ Usa ꞌain ka Salomónnën Dios nuibati ami katamëkin ax kikësabi oi ꞌiti aín banakama tankin, aín papa Davidtan ꞌasaribiokin Diosan kakësabiokin ꞌakëxa, ꞌakin ka anbi bashinu anuxun xaroti ꞌatankëxun ñuina rëtankëxun ꞌaímai këñuti xarátia sanutanun, ꞌanan sanuira rokëñun xaroxuankëxa,

1 Reyes 3:3 ပူးပေါင်းရင်းမြစ်များ

1 Reyes 11:34

Usa ꞌaínbi kana ñukëmapain ꞌikë aín ꞌapu ꞌikënua chikinkima bërúanti ꞌain, ain papa David an ka ꞌën kásabiokin, ꞌanan ꞌën bana kikësabiokin ꞌanan a tanti banakama kikësabiokin upíokin ꞌakëxa.

1 Reyes 11:38

ꞌËn mi kakësabiokin kamabi ñu upíokin, ꞌën ismainunbi ꞌakin a tanti banakama ꞌimainun ax kikësabi oi ꞌiti banakama ꞌaia kana ꞌën uni David ꞌakiansaribi okin mi ꞌakinti ꞌain, ꞌakinkin kana min rëbúnkinëxa Israel kaman ꞌapu ꞌinun ꞌimiti ꞌain, ꞌën uni David kásabi oi ka ain rëbúnki Judá menu ꞌikë unikaman ꞌapu ꞌiti ꞌikën.

1 Reyes 3:14

Minmi ꞌëx kuëënkësabi okin ꞌanan, ax kikësabi oi ꞌiti ꞌëx kia banakama ꞌimainun a tanti banakama, min papa Davidtan ꞌasaribiokin ꞌakëbëtan, kana xënibutimi tsónun mi ꞌimiti ꞌain.

1 Reyes 3:6

Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

1 Reyes 8:25

Usa ꞌain kamina mix Israelkaman Dios ꞌixun, minmi ꞌën papa David min uni ꞌikë kásabiokin asérabi: nun rëbúnkikamaxa min ꞌimikëx an ꞌakinti ꞌapuñua Israelkamax ꞌinun ꞌimiti ꞌain, usakin ꞌimikëx ka ain bëchikëkamax ain niti bërúankati ꞌikën, ain papan ain niti bëruansaribi okin.

1 Reyes 8:61

Usa ꞌain kamina mitsun këmëkinma Nukën ꞌIbu Diosan bana kikësabi oi ꞌikin a tanti banakama ꞌimainun ax kikësabi oi ꞌiti banami bërí ꞌakankësa ësabiokin ꞌakánti ꞌain.

1 Reyes 9:4

Mix kamina bërí min papa David ꞌiásaribiti, ꞌën iskëx ñu ꞌatima ꞌati sinanima min nuitu upí ꞌixun, kamabi usaími ꞌinun ꞌën mi kakë bana kikësabi oi ꞌianan, ax kikësaibi oí ꞌiti banakama kikësabi oi ꞌëmi katamëtin,

2 Reyes 18:22

Mitsun kamina ꞌë kati ꞌain: nukaman kananuna Nukën ꞌIbu Dios ishi rabin kixun, ¿uisa kupí kara Ezequíasnën anuxun mi bërámabi mitsun Dios rabiakama a rurupatankëxun, Judánu ꞌikë unikama ꞌimainun Jerusalénnu ꞌikë unikama atun Jerusalén nuxuinshia rabinun kixun kain?

Salmos 145:20

Nukën ꞌIbun ka an nuibakë unikama nuibakin bëruaia, ꞌaínbi ka an ñu ꞌatima ꞌakë unikama ꞌatima okin këñuia.

Mateo 22:37

Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

Deuteronomio 10:12

Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

Deuteronomio 10:13

ꞌimainun ka axa kikësaibira oi ꞌiti bana ꞌimainun a tanti bana ꞌai kamina mitsux upítax bukuti ꞌain.

Deuteronomio 30:16

ꞌËn bërí mitsu kakë ësokin ꞌakinmi a nuibati ami katamëkin ax kikësabira oi ꞌiti bana ꞌianan a tanti bana kikësabi ꞌia ka Diosan bakë bëchipatimi tsónun mitsu ꞌimiti ꞌikën, ꞌimainun ka anumi mitsux tsóti me anu tsotia mitsu upíokin sinánxunti ꞌikën.

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 30:6

Usa ꞌain ka Diosan mitsun nuitu mëníokin sinánmianan mitsun bakë bëchikëkamaribi ꞌati ꞌikën, an ka aín bana ꞌunámianan uisakin karamina mitsun a asérabi nuibati ꞌai kixun ꞌunánmiti ꞌikën usa ꞌain ka a aín nuitubëtanbi sinánkin a menu atux upitax ꞌitsa bari ꞌimi tsóti ꞌikën.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

1 Samuel 9:12

Kakëxun ka xanu chipashkaman kakëxa: —Anu ka ꞌaínbi ka ꞌuripain kuankënu ꞌikën. Usa ꞌain kamina bënë́kiani kuanxun ënë ëmanu ꞌikë unikaman Dios ñuina rëxun xaroxunkë anua bërí kuankëmashi isi kuanti aín.