1 Reyes 3:26 - Kashibo-Kakataibo Biblia

²⁶ ꞌUsakin ꞌanun ꞌapu kikëbë ka tuá ñukëma aín tita ax, ꞌitsaira ratuti ꞌapu kai kiakëxa: —¡Mix ꞌapu ꞌixun kamina ñukëma tuá a min suntárunën usakin ꞌanun ꞌamitima ꞌain! ¡Ënë xanu kamina tuá ënë ꞌinánti ꞌain! Kiax xanuitsi ax kikëbëbi ka bëtsíxribi ꞌapu kai kiakëxa: —Tuá ënëx ka ꞌënan ꞌianan minanribi ꞌitima ꞌikën. ¡Usa ꞌain ka nëbë́tsi tuurabë́ okë ꞌiti ꞌikën!

1 Reyes 3:26 ပူးပေါင်းရင်းမြစ်များ

Génesis 43:30

ka José aín xukë́n isi ꞌitsaira kuëënibi aín inkë urukëbë tënëtisamaira tani. Bënëtishi abákiani kuanx anua ꞌikë anu atsíanx iankëxa.

1 Reyes 3:25

Tuá ñukëma ënë kamina nëbë́tsi tuurabë́ oxun, amo ꞌikë bëtsi xanu ꞌinánan amo ꞌikëribi bëtsi ꞌinánti ꞌain.

1 Reyes 3:27

Usai a rabëtax kikëbëtan ka ꞌapun sinanatëkënkin ësokian ꞌanun kakëxa: —Tuá ñukëma a kamina uisabi okima ꞌain tita ꞌinánti ꞌain. Ax ka asérabi aín tita ꞌikën.

Isaías 49:15

ꞌAínbi kara ¿achúshi titan aín tuá ꞌibubi nuibakë ꞌixunbi ënti ꞌik? ꞌAisatankin ka xanun aín tuá manuti ꞌikën, ꞌaínbi kana ꞌën mitsu uínsaranbi manutima ꞌain.

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Romanos 1:31

Usa ꞌaish ca sinánñuma ꞌianan, aín quicësabi oquin ñu ꞌacëma ꞌianan uni itsi nuibacëma ꞌianan abë nishananxbi uni itsibë mëníonainsama tanan ꞌaquinsa ꞌicëbi uni ꞌaquinima.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:1

Mitsux an ꞌaquincëx Cristomi cushianan an nuibacëx cuëëni, Nucën Papa Diosan Bëru Ñunshin Upíñu ꞌianan ꞌë nuibacë ꞌaish,

2 Timoteo 3:3

Usa ꞌaish ca bëtsibë nuibanainsama tanan aín ami nishcë uniribi abë mëníonantëcëinsama tanti ꞌicën. Usai ꞌiquin ca cëmëi bëtsimi manánan ñunshinacëquin aín sináncë ñuishi ꞌati ꞌicën. ꞌAnan ca sinánñuma ꞌixun raíri uni tëmëramiti ꞌicën. Usai ꞌiquin ca uisa ñux cara upí ꞌicë a ꞌaisama tanti ꞌicën.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.