1 Reyes 3:21 - Kashibo-Kakataibo Biblia

²¹ Pëkarakëma ꞌaínshi bësui nirukin xuma ꞌaminuxun ꞌën iskëxbi ka ꞌën tuá rëtëkë ꞌiaxa. ꞌAínbi kana ꞌaimaia xabati pëkarakëbëtan ñachakin iskëxbi ka ꞌëx bakënkë ꞌën tuá ama ꞌiaxa.

1 Reyes 3:21 ပူးပေါင်းရင်းမြစ်များ

Génesis 21:7

¿Uin kara Abraham ꞌën kana achúshi tuá ꞌaxúnti ꞌai kixun kakë ꞌitsíanx? Usa ꞌaínbi kana ꞌën achúshi tuá ꞌaxuan axa uni apan ꞌikëbi.

1 Reyes 3:20

Usakin aín tuá ꞌaxun imë́ naëx bësuxun, ꞌëx ꞌuxkë ꞌain ꞌë rapasu ꞌuxmikë ꞌikëbi ꞌën tuá bianan, aín tuá ñukë a ꞌë rapasu nanxa.

1 Reyes 3:22

Ësaia kikëbëbi ka xanu itsi axribi ësai kiakëxa: —Usama ka bamakëma tuá ënëx ka ꞌën tuábi ꞌikën, bamakë tuá ënëx ka min tuá ꞌikë kixun ka xanu itsi an bëtsi kakëxa. Ësakin kakëxunbi ka ax pain aín tuá bamakë ñui kikë an bëtsi kakëxa: —Usama ka axa ñukë tuá ënëx ka min tuá ꞌikën, usa ꞌain ka bamakëma asábi ënëx ꞌën tuá ꞌikën. Ësai kánani ka a xanu rabëtabi ꞌapun kuamainunbi kuëbikanani kanankëxa.

1 Samuel 1:23

Kakëxunbi ka aín bënë Elcanánën kakëxa: —Uisokin ꞌati kaina sinanin usakin kamina ꞌati aín. Usa ꞌain kamina an pain xuma ëntamainun bërúti ꞌain. ꞌËx kana kuëënin Nukën ꞌIbun ax kikësabiokin ꞌanan mi ꞌakinti. Ësokian kakëx kuanima bërúxun ka ꞌain tuákën xuma ꞌakë ëntanun ꞌikiankëxa.