1 Reyes 3:14 - Kashibo-Kakataibo Biblia

¹⁴ Minmi ꞌëx kuëënkësabi okin ꞌanan, ax kikësabi oi ꞌiti ꞌëx kia banakama ꞌimainun a tanti banakama, min papa Davidtan ꞌasaribiokin ꞌakëbëtan, kana xënibutimi tsónun mi ꞌimiti ꞌain.

1 Reyes 3:14 ပူးပေါင်းရင်းမြစ်များ

1 Reyes 11:34

Usa ꞌaínbi kana ñukëmapain ꞌikë aín ꞌapu ꞌikënua chikinkima bërúanti ꞌain, ain papa David an ka ꞌën kásabiokin, ꞌanan ꞌën bana kikësabiokin ꞌanan a tanti banakama kikësabiokin upíokin ꞌakëxa.

1 Reyes 3:3

Usa ꞌain ka Salomónnën Dios nuibati ami katamëkin ax kikësabi oi ꞌiti aín banakama tankin, aín papa Davidtan ꞌasaribiokin Diosan kakësabiokin ꞌakëxa, ꞌakin ka anbi bashinu anuxun xaroti ꞌatankëxun ñuina rëtankëxun ꞌaímai këñuti xarátia sanutanun, ꞌanan sanuira rokëñun xaroxuankëxa,

1 Reyes 3:6

Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

Salmos 91:16

ꞌimikin kana ꞌitsa baritia tsotia kuëënun ꞌënbi ië́mitankëxun ꞌimiti ꞌain: ¡usakin ꞌakin kana ꞌën ië́mikëxa kuëëni tsónun ꞌimiti ꞌain!”

Proverbios 3:16

Usa ꞌain ka uni ñu ꞌunánkë ain mëkeu anun xënibua ꞌaínbi tsókësa ꞌikën, mëmiuribi mëshpakësa ꞌi kuëënkë ax ꞌiti ꞌikën.

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.