1 Reyes 22:4 - Kashibo-Kakataibo Biblia

⁴ Kixun atu kanan ka Josafat aribi ñukákëxa: —¿Minribi kaina Ramot kakë ëmanu ꞌikë suntárukama an Galaad kakë me bërúankë ꞌanun ꞌë ꞌakintima ꞌain? Kakëxun ka Josafatnën kakëxa: —Asabi ka, usa ꞌain kana ꞌën suntárukama ꞌimainun ꞌën caballonën nikinkëkama min unikamabë timë́nun ꞌimiti ꞌain.

1 Reyes 22:4 ပူးပေါင်းရင်းမြစ်များ

1 Reyes 22:29

Usakin kakëx ka Israel unikaman ꞌapu Ahab ꞌimainun Josafat Judánu ꞌikë ꞌapu ax Ramot kakë ëma Galaad menu ꞌikë suntárukamabë ꞌakanani kuankëxa.

1 Reyes 22:5

ꞌAínbi kananuna atu ꞌai kuanxun an bana ñuikë unikama uisai kara Nukën ꞌIbu kia ꞌunánti ñukáti ꞌain.

Proverbios 13:20

Uin kara ñu ꞌunánkë uni kamabë nitsia an ka atun ꞌakësaribi okin ñu upí ꞌunania; ꞌaínbi ka uix kara ñu ꞌunántisama tankë unikamabë nitsia an ñu ꞌunanima.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

Efesios 5:11

Ax bëánquibucënu nicësa uni an ca axa cuëëncësa oquinshi ñu ꞌaquin, Nucën Papa Diosmi sinánquinma uni itsiribi ami sinánun ꞌaquinti sinanima. Usaía ax ꞌicë unicama camina atun ꞌacësaribi oquin ꞌaquinma, —usaquin ñu ꞌati ca ꞌaisama ꞌicë —quixun upí oquin ꞌunánmiquin ꞌësëti ꞌain.

2 Juan 1:11

Axa usa unibë nuibanancë uni an ca an ꞌacësaribi oquin ñu ꞌaisama ꞌaia. Usa ꞌaish ca ꞌaisama uni ꞌia.

Apocalipsis 2:26

Axa aín bamati nëtë utámainun ꞌëmi catamëquin ꞌëx cuëëncësabi oi ꞌiti ëncëma uni, acama cana ꞌëx utëcënquin aín cushi ꞌixun camabi menu ꞌicë unicaman aín bana cuaquin aín quicësabi oquin ꞌanun ꞌaminun ꞌimiti ꞌain.