1 Reyes 21:7 - Kashibo-Kakataibo Biblia

⁷ Ësokian ñuixunkëxunbi ka aín xanu Jezabelnën aín bënë kakëxa: —¡Mix karamina an Israel unikama ësokin ka ñu ꞌat kakë uni ama ꞌain! Nirukianxun ka masanuituxunma pitan. ¡ꞌËn kana uisoxun karana biti ꞌain usoxun Nabotnën uvas ꞌapákë naë mi bixunti ꞌain!

1 Reyes 21:7 ပူးပေါင်းရင်းမြစ်များ

1 Reyes 21:6

Kixuan kakëxun ka Ahabnën aín xanu kakëxa: —Axa nu ꞌurama ꞌikë uni Nabot a kana ꞌëa aín uvas ꞌapákë marunun kixun kan; ꞌaisamatankian uvas ꞌapákë me itsi ꞌinánun sinánun kixun kana kan. ꞌAínbi ka an ꞌë ꞌinántisama tanxa.

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Rut 3:7

Usai ꞌimainun ka Booznën upí sinánkëshi ꞌixun pianan xëakëxa. Usokin ꞌatankëx ka anu ñu ꞌapákë aín bimi bixun tsamankin nankë rapasu ꞌuxi ꞌibúakëxa. ꞌIbuón ka imë́ naëx Rut ñuitsimaira uxun anúan rakukë chupa aín taëmixun tabitankëx a tanain rakabuakëxa.

1 Samuel 8:14

Usakin ꞌanan ka aina ꞌinun me aín upíira kaístankëxun ꞌibuati ꞌikën, ꞌimainun ka ñu ꞌapákëkamaribi aín upíbu kaísun ꞌibuati ꞌikën, ꞌibuanan ka mitsun olivos ꞌimainun uvas ꞌapákë kamaribi biti ꞌikën. Bixun akama ꞌain uni an ñu mëëxunkë aín unikama ꞌinánti ꞌikën.

1 Samuel 8:4

Usa ꞌain ka kamabi Israel kaman ꞌapubu ax timëkiani Ramá kakë anuax Samuelbë mëranax banai rikiankëxa,