1 Reyes 21:4 - Kashibo-Kakataibo Biblia

⁴ Ësokia kakëx ka Ahab amo nishananbi masánuitu kiani aín xubunu kuankëxa, Nabotnëan ꞌën papa ꞌimainun ꞌën titan ñukin ꞌë ënxua me kana mi ꞌinanima kixuan kakë a bana sinani. Usai kuantankëx ka aín xubunu nukuti ain chikën ami bësui rakakëxa, rakaxun ka añubi piti sinánma ꞌikën masá nuitukin.

1 Reyes 21:4 ပူးပေါင်းရင်းမြစ်များ

1 Reyes 21:1

Usa ꞌain ka basikëbë achúshi uni Jezreel ëmanua ꞌikë, Nabot kakë uni aín uvas ꞌapákë ëma ꞌuramabi ꞌiakëxa, ax ka Samaria ëmanua ꞌikë ꞌapu Ahab aín xubu chaiira a rapasubi ꞌiakëxa.

1 Reyes 21:3

Kixuan kakëxunbi ka Nabotnën ꞌapu Ahab kakëxa: —Diosan ka ꞌë mi ꞌinánti sinánmitima ꞌikën ënëx ka ꞌën papa ꞌimainun ꞌën titan ñukin ëbian me mi ꞌinántima ꞌikën.

1 Reyes 21:5

Usai ꞌiaxa rakakëbi ka aín xanu Jezabelnën anu kuanxun mërakin kakëxa: —¿Uisakatsi kaina pisama tani masánuitutin?

Job 5:2

An ꞌunántisa ꞌikëbi ñu ꞌunánkëma uni ax ka Diosmi ꞌatimati sinánkë kupí ñuia, ꞌimainun ka bëtsi unin paránkin kakëxunbia an usama ka kixun kakinma asábi ka kixun kakë axribi bamaia.

Jonás 4:1

Jonásnën iskëx ka usakin Diosan ꞌakë ax upíma ꞌiakëxa, usa ꞌain ka a kuëënima ꞌitsaira nishakëxa.

Jonás 4:4

Ësai kikian ñukákëxunbi ka Diosan Jonás kakëxa: —¿Usaími nishkë ax kara min sinánkëx asábi ꞌik?

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Jonás 4:9

Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Efesios 4:27

Nishtancëxunbimi manuiama ca ñunshin ꞌatimanën mitsu masá sinánmiquin mitsun nuitu upíma ꞌimiti ꞌicën. Usaquian ꞌatin rabanan camina mitsun nishcë bënë́nquinshi manuti ꞌain.

Santiago 1:14

Unían ñu ꞌatima ꞌacë ax ca Nucën Papa Diosan ꞌamicëma ꞌicën. Abi aín sinan ꞌatima ꞌixun ca usoquin ꞌaia.

1 Samuel 28:23

Kaxúan ꞌinánkëxunbi ka Saúlnën piisama tankëxa, ꞌaínbi ka aín suntárunën kushikama ꞌimainun xanu anbi ubíokin urainra kakëxun kana piti ꞌai kixun kakëxa. Usakin kaíshi menuax nirui ka anua ꞌuxkënuax tsórakëakëxa.