1 Reyes 21:2 - Kashibo-Kakataibo Biblia

² Achúshi nëtën ka Ahabnën Nabot kakëxa: —Min uvas ꞌapákë kaina ꞌë ꞌinántima ꞌain anu bëtsi ñukama ꞌëxribi aña ꞌinuxun ꞌapánun, ax ka ꞌën xubu rapasurabi ꞌikën. A mi ꞌë ꞌinánkëxun kana usamaira upíira me anu uva ꞌapákëñu a mi ꞌinánti ꞌain, ami kuëëniama kana uiti kupí kaina ꞌaisatani mi kuríkinën kupíoti ꞌain.

1 Reyes 21:2 ပူးပေါင်းရင်းမြစ်များ

Génesis 16:6

Kia ka Abramnën kakëxa: —Ka kuat, an mi ñu ꞌaxunkë xanu ax ka min mëkënu ꞌikën; usa ꞌain kamina uisakin karamina ꞌaisatani usokin min ꞌati ꞌain. Usakian kakëxun ka Sarainën amixuamati nishkin an ñu ꞌaxunkë xanu Agar ꞌitsaira ꞌatimokëxa, ꞌatimokëx ka Agar abákëxa.

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

1 Reyes 21:3

Kixuan kakëxunbi ka Nabotnën ꞌapu Ahab kakëxa: —Diosan ka ꞌë mi ꞌinánti sinánmitima ꞌikën ënëx ka ꞌën papa ꞌimainun ꞌën titan ñukin ëbian me mi ꞌinántima ꞌikën.

1 Reyes 21:6

Kixuan kakëxun ka Ahabnën aín xanu kakëxa: —Axa nu ꞌurama ꞌikë uni Nabot a kana ꞌëa aín uvas ꞌapákë marunun kixun kan; ꞌaisamatankian uvas ꞌapákë me itsi ꞌinánun sinánun kixun kana kan. ꞌAínbi ka an ꞌë ꞌinántisama tanxa.

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

1 Timoteo 6:9

Axa ꞌaisamaira ñuñu ꞌiti cuëëncë uni a ca ñunshin ꞌatimanën ꞌapun ñu ꞌaisama ꞌanun sinánmia. Sinánmicëxun ca a unicaman, uni sinánñuman ꞌacësaribi oquinshi ꞌati ꞌicën. Atúan usoquin sináncë cupí ca an ꞌaisama ñu ꞌatishi sináncë unicamax, aín sinan ñancáishi ꞌaish xënibua ꞌaínbi Nucën Papa Diosbë ꞌitimoi bamanuxun ꞌaia.

1 Samuel 8:14

Usakin ꞌanan ka aina ꞌinun me aín upíira kaístankëxun ꞌibuati ꞌikën, ꞌimainun ka ñu ꞌapákëkamaribi aín upíbu kaísun ꞌibuati ꞌikën, ꞌibuanan ka mitsun olivos ꞌimainun uvas ꞌapákë kamaribi biti ꞌikën. Bixun akama ꞌain uni an ñu mëëxunkë aín unikama ꞌinánti ꞌikën.

1 Samuel 8:6

ꞌAínbi ka Samuelnën atun ꞌapu achúshi anëxunun kixun kakëxunbi atu kuëënxuama ꞌikën, kuëënkinma ka abë banakin Nukën ꞌIbu kakëxa. Israel kamax ka atun ꞌapu achúshiñu ꞌisatania kixun kakëxa;