1 Reyes 2:4 - Kashibo-Kakataibo Biblia

⁴ Usokin ꞌakëbëtan ka Diosan ꞌëbëtan achúshi ñu ꞌásabiokin nun rëbúnkikamaribi añu ꞌanun kara Diosan atu kaia usakinshi aín sinan upí ꞌixun ꞌati ꞌikën, usakin ꞌaia ka uínsaranbi nun aintsikamaxëshia Israel unibunën ꞌapu ꞌixun ꞌakinun ꞌimiti ꞌikën.

1 Reyes 2:4 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

2 Samuel 7:25

“Usa ꞌain kamina mix Dios ꞌianan dioskaman Dios ira ꞌixun min uni ꞌikëmi ꞌë kakë banakama, manukinma sinánkin ꞌën rëbúnkinën babakama, mixmi kiásabiokin ꞌakinti ꞌain.

1 Reyes 1:48

ësai kiakëxa: “Israelkaman Dios ax ka upíokin rabikë ꞌiti ꞌikën, usa ꞌixun ka ꞌën bakë bëchikë achúshi ꞌënbi ismainun ꞌapu ꞌimiaxa, usakin rabikin ꞌaia kana isan kixun ka, Jotamnën ñuixunkin atu kakëxa.”

1 Reyes 11:36

Usakin kana achúshi ñakánu ꞌikë unin ꞌapuishi ꞌinun aín bakë bëchikë ꞌiminuxun ꞌain, ꞌimikëxun ka anua ꞌën uni David ꞌia Jerusalén ëma ꞌën kaisa anuxua ꞌë rabiti xubu ꞌamiakëxa.

1 Reyes 3:14

Minmi ꞌëx kuëënkësabi okin ꞌanan, ax kikësabi oi ꞌiti ꞌëx kia banakama ꞌimainun a tanti banakama, min papa Davidtan ꞌasaribiokin ꞌakëbëtan, kana xënibutimi tsónun mi ꞌimiti ꞌain.

1 Reyes 3:3

Usa ꞌain ka Salomónnën Dios nuibati ami katamëkin ax kikësabi oi ꞌiti aín banakama tankin, aín papa Davidtan ꞌasaribiokin Diosan kakësabiokin ꞌakëxa, ꞌakin ka anbi bashinu anuxun xaroti ꞌatankëxun ñuina rëtankëxun ꞌaímai këñuti xarátia sanutanun, ꞌanan sanuira rokëñun xaroxuankëxa,

1 Reyes 6:12

Anuxun ꞌë rabiti xubumi ꞌamikë ax ka ꞌëx anu Israel unikamabë ꞌiti ꞌamikë ꞌikën, usa ꞌain kana mi kaisatanin, min ꞌën kakësabiokin ꞌanan ꞌëx usakin ꞌati kuëënkë usakinbi ꞌakëbëtan kana ꞌën min papa David usakin mi ꞌaxunuxun ka usakinbi mi ꞌaxúnti ꞌain;

1 Reyes 8:23

munuma banakin Dios ñukákëxa: “Israel unikama nun Dios: naínu ꞌianan ka menubi min ꞌakësaribi okían an ñu ꞌakë dios achúshirabi ꞌaíma ꞌikën, usa ꞌixun kamina mix kiásabiokin an min bana asérabi kuëënkin ꞌakë akamaishi ꞌakinin;

1 Reyes 8:25

Usa ꞌain kamina mix Israelkaman Dios ꞌixun, minmi ꞌën papa David min uni ꞌikë kásabiokin asérabi: nun rëbúnkikamaxa min ꞌimikëx an ꞌakinti ꞌapuñua Israelkamax ꞌinun ꞌimiti ꞌain, usakin ꞌimikëx ka ain bëchikëkamax ain niti bërúankati ꞌikën, ain papan ain niti bëruansaribi okin.

1 Reyes 9:5

usa ꞌain kana mi ꞌimainun min ꞌaintsi ꞌibukamaxa Israel menu ꞌapu ꞌinun ꞌimiti ꞌain, ꞌën min papa David kásabiokin, uínsarabi kana Israel unibunëxa atun ꞌapuñuma ꞌinun aín rëbúnki achúshi ꞌapu ꞌimiti ëntima ꞌai kixun kana kakën.

2 Reyes 23:25

Usa ꞌain ka achúshi ꞌapubi ꞌaíma ꞌiakëxa, ax ꞌisamapain ꞌaia ꞌikë ꞌimainun ax ꞌiasaribiti ꞌapu ꞌiti ꞌaíma ꞌiakëxa, an ꞌakësokin aín ꞌIbumi asérabi kuëëni ami sinani aín kushibëtanbi Moisésnën kuëënëo bana kikësabiokin ꞌakë aima ꞌiakexa.

2 Reyes 23:3

Usokin ꞌatankëx ka ꞌapu anua xubu nitsínkë itá puntë nirakëti ax irapain Diosan kuamainun, an a banakama kikësabiokin ꞌakin asérabi ax kikësabi oi ꞌiti bana ꞌimainun a tanti banakama Moisésnën kirikanu kuënëo akama upíira okin ꞌakatsi kiakëxa. Kia ꞌapu sënë́nkëbë ka kamabi unikama timëkamë ꞌëokë atúxribi usaribi okin a bana ꞌakatsi kiax kikankëxa.

Salmos 37:22

Uikamax kara Nukën ꞌIbun upíokin sinánxunkë ꞌikë akamax ka Nukën ꞌIbun ꞌinánti me anu ꞌiti ꞌikën, ꞌaínbi ka Nukën ꞌIbun upíokin sinánxukëma unikama ax ꞌatima okin masókë ꞌiti ꞌikën.

Salmos 37:9

An ñu ꞌatima ꞌatishi sinánkë unikamax ka a menuax chikínkë ꞌiti ꞌikën, ꞌaínbi ka axa Nukën ꞌIbumi katamëkë unikaman a me biti ꞌikën.

Mateo 22:37

Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Deuteronomio 10:12

Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Deuteronomio 7:12

Ësokin ka Moisésnën aín aintsi Israel unikama raíri kakëxa: Asérabi mitsun ꞌën ꞌunánmikë bana ënëkama kikësabiokin ꞌakëbëtan ka Diosan an nun chaitiokëkamabëtan achúshi ñu ꞌakin kásabiokin mitsu ꞌakinti ꞌikën.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.