1 Reyes 2:10 - Kashibo-Kakataibo Biblia

¹⁰ Usai ñukë ka David anua aín aintsikama maínkan me anua tsóa ëma Jerusalén anubi David maínkankëxa.

1 Reyes 2:10 ပူးပေါင်းရင်းမြစ်များ

2 Samuel 5:7

Usakin kakëxunbi ka aín suntárukamabëtan Davidtan Jerusalén ëmanu ꞌikë suntárukama ñatankin biakëxa, usakin ꞌaxun ka Davidtan ëma kakin anëakëxa, anëa ꞌikë ka usakin anëkankëxa.

2 Samuel 5:9

Usakin aín suntárukama ñatankin bianan unikama ꞌatankëx ka David, a ëmanu tsóti kuankëxa, usa ꞌikë ka Davidnën ëma kakin anëakëxa, ꞌimainun ka anu ꞌikin buinarakin aín ëman ꞌikë kinikama abi maxábëtan, me tëin bëtaskin anu ꞌapu ꞌikë xubu anubi sënëónkin kënëmiakëxa.

2 Samuel 7:12

usa ꞌain kana anúnmi ñuti nëtë ꞌikëbëtan min bakë bëchikë achúshi nëtë́timokin mëramikin axa ꞌapu ꞌinun ꞌimiti ꞌain.

1 Reyes 1:21

Usa ꞌaínbi ka, mixmi ꞌën bëchikë Salomónnëx ka ꞌapu ꞌiti ꞌikë kiaxmabi, ñukëbëtan ka Adoníasnën ꞌë këñunbi ꞌën tuá Salomón ꞌamiti ꞌikën.

1 Reyes 11:43

usa ꞌikë ka ñukë aín papa Davidtan ëma kakë anu maíankëxa. Usa ꞌain ka ax baman aín bëchikë Roboam ax ꞌapu ꞌiakëxa.

1 Reyes 3:1

Aín ꞌini bëchikë xanubë birakatankëx ka Egipto menu ꞌikë ꞌapu faraónbë banai kananuna ꞌakananima nuibanani aintsi onantankëx upitax tsóti ꞌai kixun katankëxun, Salomónnën aín xanu anu pain aín papa David ꞌapu ꞌaish ꞌia ëma anu ꞌikinkin uankëxa, uanxun ka anu ꞌapu ꞌiti xubu ꞌimainun anuxun Dios rabiti xubu ꞌanan Jerusalén ëmaribi buinarakin kënëkin sënë́onun ꞌamiakëxa.

1 Reyes 8:1

Usa ꞌain ka Salomónnën anua ꞌikë Jerusalén ëmanua timë́kani unun kixun Israel unikaman kushibu kamiakëxa, kamianan ka kamabi ñakánu ꞌikë aín ꞌapukama ꞌimainun ain aintsikaman uisakinbi ax ka usa ꞌikë kixun kakëma Israelkama atúan bunántisa okin ꞌakë kurin ratakakakë anua Diosan bana kuënëo a Sión kakë ëma anua Davidtan ëma kakë anu takuti ꞌakini unun kamiakëxa.

Hechos 13:36

Usaquian Davidnën cuënëo ꞌaínbi cananuna ꞌunanin, Nucën Papa Dios cuëëncësabi oquin ꞌapu ꞌixun aín menu ꞌicë unicama ꞌaquintancëx ca David bamacëxa. Bamacë ca anu aín aintsi maían anuribi maíncancëxa. Maíncëx ca chëquiacëxa.

Hechos 2:29

ꞌËn xucë́antu, asérabi ca nucën rara, David, bamatancëx me quininu mëníocë ꞌiacëxa. Usoquian anu ꞌacan ax ca bërí nëtë́nbi anu ꞌicën.