1 Reyes 19:4 - Kashibo-Kakataibo Biblia

⁴ Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

1 Reyes 19:4 ပူးပေါင်းရင်းမြစ်များ

1 Reyes 19:3

Usakian kamikëxun a bana kuati ꞌitsaira rakuë́ti ka Elías ënu kana ꞌitima ꞌai kixun sinani aín uni achúshibë Beerseba kakë ëma Judá menua ꞌikë anu abati kuankëxa, kuanx anu bëbaxun ka abëa kuankë aín uni anu ëankëxa.

1 Reyes 19:5

Anuax ka tantia anu tsókë, i pëñanakëkë tëmú anubi rakabuax anubi ꞌuxakëxa. ꞌAínbi ka ꞌuxkëbi Diosan ángelnën anu uxun aín naminu ratíkakin kakëxa: “Bënëtishi niruxun kamina mi bëxunkë ënë piti ꞌain.”

2 Reyes 2:11

Ësai kia a rabëtax kanankiani kuankëbëbi ka Diosanbi ꞌimikëx, bënëtishi achúshi caballonan nirinkë anu tsi rëkirukësa ꞌimainun caballonuribi tsi rëkirukësa ax mërakëxa, mërakëbëa Elías abë ënanani anu ꞌiruia ka suñúan kushiira mañákë anbi birubiankin naíkamë ꞌëonu buánkëxa.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Amós 6:2

Calné kakë ëma anu kuanxun kamina isti ꞌain; anuax kamina Hamat kakë ꞌimainun, filisteo unikama anu ꞌikë Gat kakë ëma anu kuabuxun uisa ñu kara anu ꞌia isikuanti ꞌain. ¿Mitsux kaina a ëmakamasamaira upíira ꞌikanin? ¿Mitsun ëma ax kara atun ëmasamaira ꞌik?

Jonás 4:3

Usa ꞌain kana ꞌëmi bamanun ꞌiminun mi ñukatin ꞌËn ꞌIbu Dios. Usa ꞌain kana ꞌuran tsókë ꞌimainun bamakë ꞌiti ꞌain.

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Números 11:15

Ësokin ꞌaisatankin kamina, ꞌë bamatanun ënti ꞌain, asérabi min nuibakin kamina usakin ꞌë ꞌati ꞌain. Usakinmi ꞌakëx kana ꞌitsaira nuibakatima ꞌain.

Mateo 6:26

Mitsun camina axa nuáncë ñu pëchiucama ꞌunanin. Atun ca ñu ꞌapánan bimi bucunuxun bitsima. Usa ꞌicëbi ca mitsun Papa Dios, ax naínu ꞌicë, an atun piti ꞌinania. An ñu pëchiu ꞌacësamaira oquin ca mitsumi sinánquin mitsu piti ꞌinánti ꞌicën.

Juan 4:6

Bëbatancëx ca Jacobnëan naëa ꞌunpax anu ꞌain, Jesús ꞌuran cuanbaiti cuainsama tani, baria xamárucëbë, a rapasu tsóbuacëxa.

Romanos 3:9

¿Nucën Papa Diosan cara judíos unicama bëtsi unicamasama upíira isin? Usama ca. Cana mitsu can, judíosma unicama ꞌicësaribiti ca judíos unicamaribi aín sinan upíma ꞌaish ꞌuchañu ꞌicën.