1 Reyes 19:3 - Kashibo-Kakataibo Biblia

³ Usakian kamikëxun a bana kuati ꞌitsaira rakuë́ti ka Elías ënu kana ꞌitima ꞌai kixun sinani aín uni achúshibë Beerseba kakë ëma Judá menua ꞌikë anu abati kuankëxa, kuanx anu bëbaxun ka abëa kuankë aín uni anu ëankëxa.

1 Reyes 19:3 ပူးပေါင်းရင်းမြစ်များ

Génesis 21:14

Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

Génesis 21:31

Usokin anuxun a rabë́xunbi ꞌakë kupín ka Beerseba kakin anëakëxa, anuax ka sinanati ꞌitëkëntima oi mëniónankëxa.

Éxodo 2:15

Usakian Moisésnën egipcio uni achúshi rëkë a ka faraónën ñuikania kuakëxa, kuaxun ka Moisés aribi ꞌati barimiakëxa; ꞌaínbi ka a bana kuabiani Madián kakë me anu tsóti kuani abákëxa. Usai abáx bëbatankëx ka anua ꞌumpax bikë kini achúshi rapasu tanti tsóakëxa.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

2 Corintios 12:7

ꞌInsíncë ꞌaish ꞌën nami paëi ꞌëx ubiti tëmëracë ꞌaínbi ca Nucën Papa Diosan ꞌëx aín nëtënu cuanxun ñu iscë cupí rabiacáti rabanan usoquin ꞌë ꞌiminun ñunshin ꞌatimanën ꞌapu ëanxa.

1 Samuel 8:2

Aín rëkuë́n bakë bëchikë, Joel kakin anëkë ꞌimainun ka aín bëchikë itsi Abías ax Beerseba anu ꞌapu ꞌiakëxa.