ꞌËx kana asérabi ka usa ꞌikë kiax manútimoi min Diosan kuamainun kin uinu ꞌikë menubi kara mi baritanun uni xuaxa; xukëxa aia ka miisa mërakëma ꞌikë kia asérabi kara mi mërakëmaira ꞌikë kixun a xukë uni ñuimiaxa.
Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.
—Kakëxun ka ꞌëx kana a ꞌai —kixun Elíasnën kakëxa. Kakin ka— Kamina kuantëkënti ꞌain, ami ñu mëëxunkë uni kamina ënu kana ꞌai kai kuanti ꞌain kixun kakëxa.
mërakin ka atun kakëxa: —Nukën ꞌIbun ka nukamami ꞌakësaribi okin mi ꞌatima oti ꞌikën. Mi rabëtan ꞌucha kupín ka faraón ꞌimainun ꞌain unikama xuamati numi nishkin nukama ꞌaisatania. Mitsúnbi kamina usakian nu ꞌanunbi anu kuanxun faraón kan, usa ꞌain ka atun usakin nu ꞌaia.