1 Reyes 18:7 - Kashibo-Kakataibo Biblia

⁷ Usakiani kuankëbëbi ka Elías bainuax Abdías abë mëranankëxa, mëranankin a ka kixun ꞌunánkin ꞌurama oi ami ñanati ꞌikin ka munuma banakin kakëxa: —¡Mix kamina ꞌën ꞌibu Elías a ꞌain!

1 Reyes 18:7 ပူးပေါင်းရင်းမြစ်များ

Génesis 18:12

Usa ꞌain ka Saran a ñuia kia kuati aín kuaikë a tënëibi kuëpunchinibi kuëmumëkin tënëakëxa: ¿Uisax karana ꞌëx usai ꞌiti ꞌain? ꞌën bënë ꞌimainun ꞌëx kana bërí kaniakëkë apan ꞌain.

Génesis 18:2

Tsóxunbi ka Abrahamnën rabë́ ꞌimainun achúshi uni a bëtánain nikë isakëxa. Isi bënëtishi nirukin bitsi ka aín bëmánanën me tikatankëx,

Génesis 44:16

Kia ka Judánën kakëxa: —¿Uisakin karanuna nukaman mi kati ꞌain? ¿Uisaxun karanuna ñu ꞌakëma ꞌixun nun kananuna ꞌan kixun mi kati ꞌain? Nukën ꞌlbu Diosan nux ꞌuchakë ꞌunánkë ꞌain kamina. Nukama min ñu mëmikë uni ꞌinun ꞌimiti ꞌain; ꞌimikin kamina, aín pishanua min manë xampa bikë abëbi, min ñu mëmikë uni ꞌinun nukama ꞌimiti ꞌain.

Génesis 44:20

ñukákëxun kananuna mi ñuixuan nun papa achúshi kaniakëkë ka anu ꞌikën ꞌimainun ka nun xukë́n ꞌanáka achúshi bërí kanikë bëná anu ꞌikën, ax ka nun papan kaniakëkë ꞌixun bëchia ꞌikën. ꞌImainun kananuna mi kan nun papan ka ꞌitsaira atua kuëënia, ax ka aín xukë́n ñua akëñunbia aín titan tuá ꞌikën.

Génesis 44:33

Usa ꞌain kana ꞌën mi kain ꞌëx sapi kana min ñumëmikë unisa ꞌiti ꞌain, usa ꞌain kana uniakë ënëx kuantamainun ꞌëx mi ñu mëëxuni bërúti ꞌain. Usa ꞌain kamina min aín xukë́n kamabëa kuantanun a tuá xuti ꞌain.

Génesis 50:18

Usai ꞌian ka aín xukë́n ꞌibukama ami bëbai aín bëmáno nirakëti rantipuruni aín bëmánanën me tikai tsóbukin kakëxa: —Ënu kananuna nukamax uan. Nukamax kananuna min ñu mëmikë uni ꞌiti ꞌain.

2 Samuel 19:18

bëbai ka baka sikakiani Davidtan aintsikama baka sikatia ꞌakini kuankëxa, usakin ꞌax isa abë upí ꞌiti ꞌikë kixun sinánbiani kuankëxa, Kuankëbëa David Jordán kakë baka shitánux ꞌikëbëbi ka a bëtánain ami ñanati ꞌikin,

1 Reyes 11:29

Usa ꞌain ka achúshi nëtën Jeroboam Jerusalénnuax kuankëxa, kuankinbi ka an Dios kikë bana uni ñuixunkë Ahías Silónu ꞌikë axa, chupa iotan raküax kuankëbë abë mëranankëxa. Usai ꞌi ka a rabëtaxëshi anu uni ꞌikëma ni anuax mëranankëxa,

1 Reyes 18:6

Usai kitankëx ka bëtsíxa amo kuantamainun bëtsiribi amo kuani, Ahab bai itsi amotan kuantamainun, Abdías bai itsi bibiani anun kuankëxa.

1 Reyes 18:8

—Kakëxun ka ꞌëx kana a ꞌai —kixun Elíasnën kakëxa. Kakin ka— Kamina kuantëkënti ꞌain, ami ñu mëëxunkë uni kamina ënu kana ꞌai kai kuanti ꞌain kixun kakëxa.

Isaías 60:14

An mitsu tëmëramia unikaman bakë bëchikë atux ka aí ñuumara ꞌianan, kushiñuma mitsun iskëx ꞌiti ꞌikën, ꞌimainun ka an mi tima unikama atúxribi mitsu bëtanain rantipuruni tsóbukin, mi anëi kikanti ꞌikën. Mix kamina Nukën ꞌIbun ëma ꞌai kixun kati ꞌikën. ꞌImainun ka Jerusalén Dios upíira aín ëma kakin anëti ꞌikën.”

Mateo 11:8

¿Ax usama ꞌain caina añu isi cuancën? ¿Upíira ꞌaísha cupíira chupa pañucë uni isi caramina cuancën? Usama ca. Camina ꞌunanin, upíira ꞌaísha cupíira chupa pañucë unix ca anu ꞌapu ꞌicë xubunushi ꞌia.

Mateo 3:4

Juan ax ca camello rani ꞌacë chupa pañuanan ñuina xacá ꞌacë anun tsitëcërëquicë ꞌiacëxa. Aín piti ca curuchinti ꞌimainun buna rëpa ꞌiacëxa.

1 Samuel 20:41

Usakia kakëxa uni bëna ax kuankëbë ka David maxá chabu ꞌikë a kaxú chikíakëxa, chikiti ka Jonatán bëtánain aín bëmána memi bëtiki rantinpuruni achúshi ꞌimainun rabë́ oi ꞌiakëxa. Usai ꞌitankëx ka a rabëtaxi bëtsuku kánani iankëxa, ini ka David intëkëinsamaira oi ꞌinun iankëxa.