1 Reyes 18:41 - Kashibo-Kakataibo Biblia

⁴¹ Usokin ꞌatankëxun ka Elíasnën Ahab kakëxa: —Pianan kamina xëai kuanti ꞌain, xukirui ꞌia kana ꞌuí kuatin usa ꞌain ka ënuax basimashi kamabi me chabói kushiira ꞌuí ꞌibúti ꞌikën.

1 Reyes 18:41 ပူးပေါင်းရင်းမြစ်များ

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

1 Reyes 18:1

Nëtë itsin ka rabë́ ꞌimainun achúshi baritia inúkëbëtan Diosan Elías ësokin kakëxa: “Anu kuanxun kamina Ahab isi kuanti ꞌain, ꞌën kana amiribishi ꞌuí an me chabóti ꞌibúmitëkënti ꞌain.”

1 Reyes 18:40

Ësai kikania ka Elíasnën atu kakëxa: —¡An bana ñuikë unínbi anëkë Baalnën unikama kamina ñatankanti ꞌain, achúshirabi abátanun kamina ënkantima ꞌain! Kakëxun ka unikaman atu ñatankëxa, ñatankë ka Elíasnën Quisón kakë xëxanu buánxun anuxun atu kamabi ꞌamiakëxa.

1 Reyes 18:42

Ësokin kakëx ka Ahab pianan xëai kuankëxa. ꞌAínbi ka Elías aín bashi Carmelo kakë manámi, mapërakëax, anuax menu rantinpuruni aín ranbuxunu aín bëmánan nani tëtúbuti ꞌiakëxa,

1 Reyes 8:36

usokin ꞌakëxun atun bana kuakin kamina min kaisa Israel kama atúxa mimi ꞌuchakë a anumi ꞌikë naíkamë ꞌëo anuxunbi kuakin atun ꞌucha tërënxunti ꞌain, usakin ꞌaxun kamina añu ꞌai kara atux tsóti ꞌikë kixun ꞌunámianan, uisai kara bukukanti ꞌikë kixunribi ꞌunánmiti ꞌain. Usokin ꞌaxun kamina amiribishi ënë menu ꞌuí ꞌibumitëkënti ꞌain, atun papakama kia bana ꞌaia atun bakë bëchikë min unikama atux tsónun.

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Hechos 27:34

Uinu ꞌicë uníxbi ca nëtë́tima ꞌicën. Camina usabi ꞌinuxun ꞌacanin. Usa ꞌain camina min nami cushinuxun piti ꞌain.