1 Reyes 17:6 - Kashibo-Kakataibo Biblia

⁶ Usai kuanxa anu ꞌia ka ñumakurukaman usakin anua Diosanbi ꞌamikëxun pán këñun ain piti nami ñantainshi bari urukëbëtan ꞌinánpunkin xupinbukëbëtanribi Elías ꞌinánkëxa. Usakian ꞌakëxun ka xëxá ꞌumpax abi xëakëxa.

1 Reyes 17:6 ပူးပေါင်းရင်းမြစ်များ

1 Reyes 17:5

Usokian kakëx ka Elías Diosan kakësabi oi anu kuanx Querit kakë xëxá amiaxa bari urukë amia ꞌikë Jordán kakë baka au ꞌi bërúakëxa.

1 Reyes 17:7

Usakin anua ꞌumpax ain xëati bikëbëbi ka xëxá ax ꞌitsama nëtë ꞌikëbë, Israel nëtënuaxa ꞌuí ꞌibúkëbëma ë́skiakëxa.

1 Reyes 19:6

Usakin kakëx bësukin arapasukua barikinbi ka Elíasnën, au masuia uxkë anua pán anuxun xuiti ꞌakë anuxun xuikësa a ꞌimainun achúshi anun ꞌumpax biti papitiñu amia ꞌumpax nankë mërakëxa. Mërai nirutankëxun ka pán pianan ꞌumpax aribi xëakëxa; usakin ꞌatankëx ka amiribishi ꞌuxtëkëankëxa.

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

Salmos 33:18

ꞌAínbi ka Nukën ꞌIbun axa ami katamëkëkama ꞌimainun asérabi a nuibakë unikama an ka nu nuibati ꞌikë kixun ꞌunania,

Salmos 37:19

Usa ꞌain ka anúan numi ꞌiti nëtë ꞌikëbë, numin ꞌi rabinkësa ꞌima, raírinëxa a piti ñuñuma ꞌimainun, atun piti ꞌitsaira ꞌiti ꞌikën.

Salmos 37:3

Nukën ꞌIbumi katamëkin kamina upí ñuishi ꞌati ꞌain, usai ꞌi kamina ënë menu tsóti Dios kuëënkësabi oi ꞌiti ꞌain.

Éxodo 16:35

Usakian ꞌan ka Israel unibunën cuarenta baritia ꞌimikin manáishi pií anua me sënënakëkë anu uni tsóti pëukukë anu bëbakin maná piakëxa, ax ka Canaán kakë me sënëni kuainakëkë anu ꞌiakëxa.

Isaías 33:16

akamax ka upitax rakuë́tima tsóti ꞌikën, usai ꞌika ami katamëti achúshi xubu mapara ꞌakë ami katamëanan, aín piti ꞌitsaira ñu ꞌianan, a xëati ꞌumpax ꞌitsairañu ꞌaish ñuñumama ꞌitima ꞌikën.

Jeremías 37:21

Usa ꞌain ka ꞌapu Sedequíasnën ꞌain suntárukama anua atux ꞌikë me mëníokë anua Jeremías ꞌiminun kixun kakëxa, usakin ꞌakë ꞌikë ka kamabi nëtën pán ëmanua bixun uanxuankëxa. Usakin ka a ëmanua ꞌikë bai anuxun pán ꞌakë kakin anëkë anua bixun ꞌinánkëxa. Usakin ka a ëmanua pán këñutisama pain ꞌain kamabi nëtën achúshi pánra ꞌinánkëxa, usai ꞌika Jeremías anua ëmanu ꞌikë suntárukama ꞌikë me mëníokë anu bërúakëxa.

Números 11:23

Ësai kiabi ka Nukën ꞌIbun kakëxa: —¿Min sinánkëx kara ꞌën kushi chamaratsu ꞌik? Bërí kamina asérabi kara ꞌëx kikësabi oi ꞌia kara ꞌima kixun isti ꞌain.

Mateo 19:26

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca an ꞌacasmati ñu ꞌaíma ꞌain Nucën Papa Diosan ñuñu uniribi ainan ꞌinun ië́miti ꞌicën.

Lucas 22:35

Jesusan ca aín ꞌunánmicë unicama ësaquin cacëxa: —ꞌËn mitsu uni bana ñuixunun xuquin, burasa, curíqui, taxaca, acama buanima camina cuanti ꞌai quixun cacëx cuanx camina ñancáishi ꞌicëma ꞌain, ¿usa cat? Cacëxun ca —ca usa ꞌicën, ñancáishi cananuna ꞌicëma ꞌai —quixun cacëxa.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

Jueces 14:14

Kakëxun ka Sansónnën karaisa ax kikë bana ñuikin atun kaia kuanuxun achúshi bana ñukákin ësokin kakëxa: “Ax pianankë anuax kara a ñu piti chikíax; axa kushiira ꞌia anuax kara añu bataira chikíax.” Usakian kakë rabë́ ꞌimainun achúshi nëtë ꞌikëbëtanbi ka atun usai kikë kara a bana ꞌikë kixun ñuixuama ꞌikën;