1 Reyes 17:18 - Kashibo-Kakataibo Biblia

¹⁸ Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

1 Reyes 17:18 ပူးပေါင်းရင်းမြစ်များ

Génesis 44:16

Kia ka Judánën kakëxa: —¿Uisakin karanuna nukaman mi kati ꞌain? ¿Uisaxun karanuna ñu ꞌakëma ꞌixun nun kananuna ꞌan kixun mi kati ꞌain? Nukën ꞌlbu Diosan nux ꞌuchakë ꞌunánkë ꞌain kamina. Nukama min ñu mëmikë uni ꞌinun ꞌimiti ꞌain; ꞌimikin kamina, aín pishanua min manë xampa bikë abëbi, min ñu mëmikë uni ꞌinun nukama ꞌimiti ꞌain.

Génesis 50:15

Aín papa Jacob ñukë ꞌain ka Josénën xukë́nkaman ësokin sinánkëxa: Bërí sapika Josénën nun painu ꞌatimo a sinánkin nuribi ꞌatima oti ꞌikën.

Génesis 50:17

ësokin mi kanun: Min xukë́nkama kamina an mi ꞌatima oi ꞌucha ꞌikëbi uisabi otima ꞌain. Usa ꞌain kamina nun mi ꞌatimo a sinánkin nuribi ꞌatima otima ꞌain, nukamax kananuna nun papa Dios aín unikama ꞌain. Ësakian a kamikë unikaman kakëxun kuati ka José iankëxa.

2 Samuel 16:10

Kakëxunbi ka ꞌapun kakëxa: —Ënëx ka mitsun isti ñuma ꞌikën, ꞌëx kana mitsun usakin ꞌaisa tankë a kuëëniman kixun ka Seruiánën tuá a kakëxa. An ꞌë ꞌatimokin sinánkin ꞌichákë ax ka Diosan usakin ꞌanun ꞌamikëxun ꞌë ꞌakë ꞌikën. Usa ꞌain kara, ¿Uin kara usakin ꞌaxuma ka ꞌat kixun kati ꞌik?

2 Samuel 19:22

Kiabi ka Davidtan kakëxa: —¡Ënë ñux ka mitsun isti ñuma ꞌikën, Seruiánën bakë tuákama, ꞌëx kana usakinmi ꞌaisa tankë a kuëëniman! ¿Uisa ꞌixun kaina mitsun ꞌën ꞌakë ñu isti ꞌain? Bërí kana upíokin ꞌunanin ꞌëx kana Israel unikaman ꞌapu ꞌain, usa ꞌain ka israel uni achúshibi bërí nëtën bamatima ꞌikën.

1 Reyes 12:22

ꞌAínbi ka an bana ñuikë Semaías aín uni a Diosan ësakian ꞌanun kakëxa:

1 Reyes 17:17

Usai ꞌia ꞌitsa nëtë inúkëbë ka raëmëkë xanu aín tuá ꞌinsínan kushiira uin bitsi ꞌinsínkë ꞌiakëxa.

1 Reyes 17:19

Ësokian kakëxunbi ka Elíasnën kakëxa: —Ënu kamina min tuá ꞌë bëxúnti ꞌai kixun. Ësakin kakin ka xanu raëmëkë an aín tuá bibiakin uani kuanx ka anu ꞌuxtia ꞌinánkë manan anu kuaruxun anua ꞌuxkë anu tuá ñukë a rakankëxa.

1 Reyes 18:9

Kakëxun ka Abdíasnën kakëxa: —¿Uisa ñu ꞌatima karana ꞌën minmi an ꞌë rëtënumi Ahab ꞌinánun ꞌën ꞌan?

Mateo 8:29

Usa ꞌixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan ꞌaínbi caramina nu ubíoi uan?

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Marcos 6:16

Quia cuati ca Herodes quiacëxa: —Ax ca Juan, a ꞌën tëbíscamia, a ꞌicën. Usa ꞌaish ca ax bërí baísquiaxa.

Lucas 4:34

—Jesús Nazaretnu ꞌicë, ¿min caina nu uisoti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë, a ꞌain.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Lucas 8:28

ꞌItsa oquian ñunshin ꞌatimanën ꞌamicëxun ñu ꞌaia ca unin uni itsi ubíoxunma ꞌanun aín manë risin nëacëxa. Usocëxbi ca manë risi tëcapabiani ñunshin ꞌatimanën ꞌimicëx anu uni ꞌicëma menu usabii ꞌicë ꞌaish cuancëxa. Usa ꞌaísha a mërai aín bëmánon rantin purúncëxun ca Jesusan ñunshin ꞌatima —ënë uninuax ca chiquit —cacëxa. Cacëx munuma cuëncë́nquin ca Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? ꞌË tëmëramixunma ca ꞌat.

Juan 2:4

Cacëxun ca Jesusan cacëxa: —¿Uisati caramina ꞌë usaquin cain? Anun ꞌën ñu ꞌati nëtë ca ꞌicëma pain ꞌicën.

Jueces 13:6

Usokin kakëx kuanxun ka xanun aín bënë ñuixunkin kakëxa: Achúshi Diosan uni ka anu ꞌëx ꞌikënu uaxa, anuxun ka ënkinma ꞌë kaxa, kakëxun iskëxbi ka Nukën ꞌIbun ángel iskësa ꞌiaxa. Usa ꞌikë kana uikara ax ꞌikë kixun ñukákëma ꞌain, anbi ka ui uni kara ax ꞌikë kixun ꞌë kakëma ꞌikën.

1 Samuel 16:4

Kakëx ka Nukën ꞌIbun kakësabiokin ꞌai kuani Samuel kuankëxa. Kuani Belénnu bëbaia bikin ka ꞌapukaman ami chukúmashi rakuë́kinbi, ñukákankëxa: —¿Añu ꞌai kaina aín añu ñu kara ënu ꞌik?