1 Reyes 17:16 - Kashibo-Kakataibo Biblia

¹⁶ Usa ꞌain ka ñutënu ꞌaruxun nankë harina ꞌimainun xëni ñunu ꞌaruxun nankë ax këñuama ꞌikën, Diosan usai ka ꞌiti ꞌikë Elías kakësabi oi ka usai ꞌiakëxa.

1 Reyes 17:16 ပူးပေါင်းရင်းမြစ်များ

1 Reyes 17:15

Usakin kakëx kuanxun ka xanu raëmëkë an usakian anua Elíasnën kakësabiokin ꞌakëxa. Usokin an ka xanu raëmëkë ꞌimainun aín tuá abëtan Elíasnën kamabi nëtën piti ñu sënën ꞌiakëxa.

1 Reyes 17:17

Usai ꞌia ꞌitsa nëtë inúkëbë ka raëmëkë xanu aín tuá ꞌinsínan kushiira uin bitsi ꞌinsínkë ꞌiakëxa.

1 Reyes 22:38

Usakin ꞌatankëxun ka aín caballonën nikinkë unin ꞌakë ꞌian cha anuaxa bëtsi bëtsi unibë ꞌikë xanukama nashikë Samarianu ꞌikë bakanuxun chukakëxa, usakin chukaia ka kamunan Ahab aín imi biáxkakëxa, usakin ꞌatia Dios kikësabiokin ka usakin ꞌakëxa.

2 Reyes 5:14

Ësokian kakëx kuanx ka Naamán mapai achúshi ꞌimainun rabëti Jordán kakë bakanu an Dios kikë bana ñuikë unin kakësabi oi nashi nanëakëxa. Usaía ꞌikëbëshi ka aín nami bërí kanikë unin nami iskësa upíira ꞌinun pëxküakëxa.

Mateo 19:26

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca an ꞌacasmati ñu ꞌaíma ꞌain Nucën Papa Diosan ñuñu uniribi ainan ꞌinun ië́miti ꞌicën.

Mateo 26:7

Anua mesanu pi tsotan ca xanu achúshinën, anu sanuira ꞌinínti ro ꞌaruti ñu bëi uxun a ro cupíira cupí ꞌicëbi Jesusan maxcá a ron chabócëxa.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Lucas 1:45

Nucën ꞌIbu Dios quicësabi oi ca asérabi ꞌiti ꞌicën. Ca usai ꞌiti ꞌicë quixun sinani camina cuëëinra cuëënti ꞌain.