1 Reyes 17:1 - Kashibo-Kakataibo Biblia

¹ Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

1 Reyes 17:1 ပူးပေါင်းရင်းမြစ်များ

1 Reyes 17:12

Kixun kakëxun ka xanuxun Elías kakëxa: —Asérabi kana paránkinma ami sinánun min Diosanbi kuamainun mi kain, ꞌëx kana pán xuikë achúshirabi nankëñuma ꞌain. ꞌAínbi kana mëkën achúshi harinara ꞌën chumunu xëni chamarakëñun anu ꞌaruti anu ꞌaruxun nan, usa ꞌain kana bërí karu chamara anu ꞌën tuanan ꞌimainun ꞌën piti xui kuanxun bian. Usa ꞌain kananuna a chamara pitankëx a piti ꞌaíma ꞌain numin bamati ꞌain.

1 Reyes 17:2

Usa ꞌain ka Diosan Elías ësokin kakëxa:

1 Reyes 18:1

Nëtë itsin ka rabë́ ꞌimainun achúshi baritia inúkëbëtan Diosan Elías ësokin kakëxa: “Anu kuanxun kamina Ahab isi kuanti ꞌain, ꞌën kana amiribishi ꞌuí an me chabóti ꞌibúmitëkënti ꞌain.”

1 Reyes 18:10

ꞌËx kana asérabi ka usa ꞌikë kiax manútimoi min Diosan kuamainun kin uinu ꞌikë menubi kara mi baritanun uni xuaxa; xukëxa aia ka miisa mërakëma ꞌikë kia asérabi kara mi mërakëmaira ꞌikë kixun a xukë uni ñuimiaxa.

1 Reyes 18:15

Kakëxunbi ka Elíasnën katëkëankëxa: —Asérabi kana Dios kamabi kushiñu an ismainun mi kain, bërí nëtënbi kana Ahab abë banai kuanti ꞌain.

1 Reyes 22:14

Kakëxunbi ka Micaíasnën kakëxa: —¡ꞌËx kana asérabi Nukën ꞌIbun ismainunbi kin, usa ꞌain kana uisakin kanun kara an ꞌë kaia usakinshi kati ꞌain!

1 Reyes 8:35

Uínsaran kara min uni Israelkamax mimi ꞌuchaia, iskin sapikamina ꞌuí ꞌibúkëbëma me ëskinun ꞌimiti ꞌain, usakin ꞌimikëbëtanma ka anuxun mi rabiti xubu ënë mi sinánkin amiribishi mi ñukánan mi barikin atux ꞌuchakëkama chikinamikin ꞌanë rabiti ꞌikën,

2 Reyes 5:16

ꞌAínbi ka Eliseonën kakëxa: —A ꞌën rabikë Dios an ismainunbi kana ꞌën mi kain, usa ꞌain kana min ꞌinánkaskë ñu a bitima ꞌain. Usakin Naamánnën karaishikëxunbi ka Eliseonën kana min ñu bitsima kixun kakëxa.

2 Reyes 5:20

Guehazí an Dios kikë bana ñuikë uni, Eliseo ñu mëëxunkë an sinánkëxa: “ꞌËn ñu mëëxunkë uni Eliseonën ka Naamán sirio uni an ñu bëxun ꞌinánkaskëxunbi añu ñubi bisamatanxa. Usa ꞌain kana Diosan ismainunbi ꞌishtuinshi nuibiani kuanxun, añu karana anua biti ꞌai isikuanti ꞌain.”

Isaías 49:18

Axa Jerusalénnu ꞌikë unikama mitsun kamina buinarakin amami amamia iskin, uisai kara ꞌura buánkan unikama minu uax timëaxa kixun isti ꞌain. ꞌËx Nukën ꞌIbu ꞌaish kana ꞌëxbi ësai kin, usa ꞌain ka a unikamax, Jerusalénnu tëñutimi tëñukësa ꞌianan, mëratiñu xanua anun mëníokakin ñukama aín naminu nankësa usaribi ꞌiti ꞌikën.

Isaías 5:6

usokin ꞌaxun kana rakanti ꞌain. Rakanxun kana chuku ꞌiruiabi mëníokin ëchimitima ꞌain, usokëx ka muxa ꞌirumainun chuku ꞌaisamaribi anu ꞌiruti ꞌikën. Usokin ꞌatankëxun kana nëtë kuínuaxa, ꞌuí a chabói ꞌibúnun ꞌimitima ꞌain.

Jeremías 14:22

¿Anu kara ꞌiti ꞌikë unínbia a rabinuxun ꞌakë dios an ꞌuí ꞌibúmiti ꞌiti ꞌit? ¿ꞌIanan kara naíkamë ꞌëo abi ꞌuí kushiira ꞌibúnun ꞌimiti ꞌik? ¡Usama ka, Nukën ꞌIbu Dios! Mix kamina an ꞌuí ꞌibúnun ꞌimikë a ꞌain. Mix kamina an kamabi ënë ñukama usaía ꞌinun ꞌimikë a ꞌain; ¡usa ꞌain kananuna mimishi katamëti ꞌain!

Jeremías 15:19

Usa aín ka Diosan ësakin ꞌë katëkëankëxa: ꞌËmi sinántëkënia kana ꞌën mi amiribishi bitëkënti ꞌain, ꞌëmi upíokin ñu ꞌaxúnun, usa ꞌain kamina upíokin ꞌë ñu ꞌaxunti ꞌain. Usa ꞌain kamina mix ꞌatimati banai min sinánkëshi banakë a ëni, mix an ꞌëx kikësa ꞌitánun an ꞌën bana upíokin ñuikë uni ꞌiti ꞌain. Usa ꞌain ka Israel unikama min ꞌën bana ñui kia kuati minu utëkënti ꞌikën, usa ꞌain kamina min atun kakëxun kuatima ꞌain.

Mateo 11:14

Mitsun asérabi cuaisa tanquin camina ꞌunánti ꞌain, Elías ca uti ꞌicë quicë bana ax ca Juan ñui quiá ꞌicën. A bana quiásabi oi ca Juan, an unicama nashimicë, ax Nucën Papa Diosan mëníosabi oi uaxa.

Mateo 16:14

Cacëxun ca atun cacëxa: —Raírinëx ca quia, mix ismina Juan, an uni nashimicë, a ꞌain. Raírinëx ca quia, mix ismina Elías a ꞌain. Raírinëxribi ca quia, mix sapi ismina Jeremías a ꞌain, ama ꞌaish ismina an Nucën Papa Dios quicë bana unicama ñuixuan uni itsi a ꞌiti ꞌain.

Mateo 27:47

Usai quia cuëncënia cuati ca anu ꞌicë unicama raírinëx quiacëxa: —A unin ca unun quixun Elías cuënia.

Mateo 27:49

Usoquian ꞌináncëbëbi ca raírinëx quiacëxa: —Mëëxunma ca ën, Elías cara a ië́mi aia isti.

Lucas 1:17

Juan ax ca Nucën ꞌIbu Jesúsa unun ax pain rëcuë́ncuatsini uti ꞌicën. Ax ca Elías ꞌiásaribiti Nucën Papa Diosan cushiñu ꞌixun unicaman upí oquin sináncësaribi oquin aín bëchicë sinánun sinánmiti ꞌicën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun ꞌimiti ꞌicën. Usoquian ꞌimicëxun ca axa Nucën ꞌIbu Diosan xucëx ucëbëtan, Israel unibunën upí oquin aín bana cuati ꞌicën.

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 9:30

Usa ꞌicë isanan ca rabë́ uni, Moisés ꞌimainun Elías, Jesúsbë banaia isacëxa.

Lucas 9:33

Moisésbëtan Elíasnën a ëbiania isquin ca Pedronën Jesús cacëxa: —Nuxnu ënu ꞌicë ca asábiira ꞌicën. ¿Uisa cara rabë́ ꞌimainun achúshi xubura mitsu ꞌaxúnti ꞌiti ꞌic? Minan achúshi ꞌimainun Moisésnan achúshi ꞌimainun Elíasnanribi achúshi cananuna ꞌati ꞌain. Upí oquin sinanima ca Pedro usai quiacëxa.

Lucas 9:54

Usaía ꞌia oi nishquin ca Jacobobëtan Juanën Jesús cacëxa: —¿Naínuax uxúan tsin atu cëñunun nu cati caramina cuëënin?

Juan 1:21

Cacëxun ca cacëxa: —¿Ama ꞌaish caina ui ꞌain? ¿Elías caina ꞌain? Quixuan cacëxun ca cacëxa: —ꞌËx cana ama ꞌain. Cacëxun ca ñucátëcëancëxa: —¿An Nucën Papa Dios quicë bana unicama ñuixunti uni, axa uti a caina mix ꞌain? Cacëxun ca —ama cana ꞌai —quixun cacëxa.

Juan 1:25

Usa ꞌixun ca Juan catëcëancëxa: —¿Mix Cristoma ꞌianan Elíasma ꞌianan an Nucën Papa Dios quicë bana unicama ñuixunti, axa uti ama ꞌixunbi caina min uisa cupí unicama ꞌunpaxan nashimin?

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Romanos 11:2

Bëráma ca Israelnën rëbúnqui judíos unibu ainan ꞌinun Nucën Papa Diosan caísacëxa. Usaquin ꞌá ꞌixun ca a unicama —ꞌën unima ca —quiax ami manúcëma ꞌicën. Nucën Papa Diosan bana cuënëo isquin camina ꞌunanin, Nucën Papa Diosbë banai ca Elías Israel unibumi manani ësai quiacëxa:

Santiago 5:17

Elías, an Nucën Papa Dios quicë bana unicama ñuixuncë uni, an ca nusaribi uni ꞌixunbi ꞌuía ꞌibuaxma ꞌinun Nucën Papa Dios ñucácëxa. Usa ꞌain ca an ñucácësabi oi rabë́ ꞌimainun achúshi baritia, ꞌimainun achúshi mëcën ꞌimainun achúshi ꞌuxën ꞌuí ꞌibuama ꞌicën.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.