1 Reyes 12:16 - Kashibo-Kakataibo Biblia

¹⁶ Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

1 Reyes 12:16 ပူးပေါင်းရင်းမြစ်များ

2 Samuel 15:13

Usai ꞌikëbëtan ka achúshi unin anu kuanxun David, kakëxa ꞌitsaira Israel unikama ka Absalón ꞌakinux abë timë́kanxa kixun.

2 Samuel 16:11

Kai ami kikin ka Abisai ꞌimainun aín suntárunën kushikama kakëxa: —ꞌËn bëchikënënbi ka ꞌë ꞌaisatania, ¡Usa ꞌain kara Benjamínën aintsikaman ax bëtsi unikama ꞌixun ꞌë ꞌaisaira tanima ꞌiti ꞌik! ¡ꞌËa ꞌatimokin sinánxunia kamina uisabi otima ꞌain, Diosanbi sapi ka usakin ꞌë ꞌanun sinánmiaxa!

1 Reyes 11:34

Usa ꞌaínbi kana ñukëmapain ꞌikë aín ꞌapu ꞌikënua chikinkima bërúanti ꞌain, ain papa David an ka ꞌën kásabiokin, ꞌanan ꞌën bana kikësabiokin ꞌanan a tanti banakama kikësabiokin upíokin ꞌakëxa.

1 Reyes 11:35

ꞌAínbi kana aín bakë bëchikënëxa ꞌapu ꞌinun ꞌimitima ꞌain, ꞌimikinma kana mixmi mapai rabë́ ñakánu ꞌikë; unikaman ꞌapu ꞌinun ꞌimiti ꞌain.

1 Reyes 11:36

Usakin kana achúshi ñakánu ꞌikë unin ꞌapuishi ꞌinun aín bakë bëchikë ꞌiminuxun ꞌain, ꞌimikëxun ka anua ꞌën uni David ꞌia Jerusalén ëma ꞌën kaisa anuxua ꞌë rabiti xubu ꞌamiakëxa.

1 Reyes 11:39

Usa ꞌaínbi kana Davidtan rëbúnki uisakin karana tëmëramiti ꞌai usakin ꞌati ꞌain, Salomónnën ñu ꞌaisama ꞌakë kupín, ꞌaínbi kana xënibua ꞌixun usakin ꞌatima ꞌain, kiax ka Dios kiaxa kixun ka Ahíasnën kakëxa.”

1 Reyes 22:17

Kakëxun ka Micaíasnën kakëxa: “ꞌËn kana Israel suntárukama aín bashinua an bërúanti uni ꞌaíma ꞌain, ovejakama abískësari ꞌia isan. Usa ꞌain ka Nukën ꞌIbun ꞌë kaxa: Ënë unikamax ka ꞌibuñumasa ꞌikën; usa ꞌain kana ꞌëx atun xubunubia achúshi achúshinëx chuámashirua riakianti kuëënin.”

1 Reyes 22:36

Usa ꞌaínbi ka bari kuabúkëbëtan Israel suntárukama aín ꞌapukama ësai kia kuakëxa: “¡Mitsun xubunubi rikianan kamina mitsun menubi kuanti ꞌain,

Proverbios 15:1

Nishkë ꞌikëbia bëtsin sinanamikin kakë, an ka uni nishkëbi upí ꞌinun sinanamia; ꞌaínbi ka ꞌatimati banakin unin bëtsi atiaira nishnun ꞌimia.

Isaías 7:17

Usai ꞌikëbëtan ka Diosan mitsu ꞌianan, min unikama ꞌimainun, ꞌapun aintsikamaxa Efraínbëa Judá ënanainsamapain ꞌain ꞌiásamaira ꞌinun, a nëtëkama ꞌikëbë tëmëranun ꞌimiti ꞌikën.” (Ënëx ka Asirianu ꞌikë ꞌapu ukëbë usai ꞌiti ñuia kia bana ꞌikën.)

Isaías 7:2

Usai ꞌikëbëtan ka a nëtë kaman ꞌapu Ahaz ꞌimainun aín aintsikama ꞌunánun ënë bana ñuixuni kuankëxa: Kuanxun ka siria unikamabë ka Efraínën rëbúnkikama mitsu ꞌanux birananxa kixun kakëxa. Ësakian kakëxun kuati ka ꞌapu Ahaz ꞌimainun anua ꞌikë unikama rakuëntan bamai bërëkirui nikama suñun bëkakëx ꞌikësaribiti bërëi ꞌikankëxa.

Ezequiel 37:16

I tukakë aín paná bixun kamina anu kuënëoti ꞌain: Judá ꞌimainun abëa ꞌikë Israel unikamaꞌ. Usakin ꞌatankëxun kamina bëtsi i tukakë aín panáribi bitankëxun anu kuënëoti ꞌain: José a Efraínsa ꞌinun ꞌanan kamina, Israel unikama raíri aribi anu kuënëoti ꞌain.

Marcos 3:24

Ësa ca. Achúshi menuxuan an ꞌapu ꞌimicë unibunën cushicaman bëtsi bëtsi oquin sináncë ꞌain ca a menu bucucë unicama ꞌitsa ꞌaíshbi upitax bucui bëtsibë bëtsibë nuibananíma ꞌacánani cëñutia.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Lucas 19:27

Axa ꞌëmi nishi ꞌëx ꞌapu ꞌiti cuëëncëma unicama a camina ënu bëxun ꞌën ismainunbi ꞌati ꞌain.

Juan 13:8

Cacëxun ca Pedronën cacëxa: —ꞌËx mi meuira ꞌicë camina uisa nëtë́nbi min ꞌë tachucatima ꞌain. Ësoquian cacëxun ca Jesusan catëcëancëxa: —ꞌËn mi chucacëma ꞌaish camina ꞌënan ꞌitima ꞌai —quixun.

Jueces 8:35

ꞌimainun ka an atu ꞌakinkë Jerubaal kanan Gedeón kakë uni ax ñukëma pain ꞌixuan atu ꞌakinkë a sinanima ain aintsi ꞌibukamabë nuibanani tsótima atubë nishanankëxa.